Je grua sipërmarrëse dhe je prekur nga pandemia? Kontribuo në skanimin e situatës, duke plotësuar anketën e Dhomës Ekonomike të Gruas - Business Magazine Albania

Je grua sipërmarrëse dhe je prekur nga pandemia? Kontribuo në skanimin e situatës, duke plotësuar anketën e Dhomës Ekonomike të Gruas

anketë

Pandemia po rrit ditët e fundit presionin e saj me një valë të katërt, kësar radhe me variantin Delta. Edhe pse sot kemi më shumë të vaksinuar se më parë, shifrat e infektimeve po rriten dhe rreziku për t’u përballur me një tjetër sfidë është afër.

Dhoma Ekonomike e Gruas, prej një viti ka ngritur shqetësimin, nisur nga vlerësimet e anëtareve të saj, se gratë sipërmarrëse janë prekur më shumë nga kjo pandemi.

Në disa takime me gratë në biznes, por edhe institucionet financiare dhe institucione publike, shqetësimi kryesor i grave sipërmarrëse është aksesi në financë, zhvillimet në treg, me luhatje të kërkesës në segmente të ndryshme.

Vetë gratë sipërmarrëse theksojnë se janë angazhuar më shumë drejt risive, duke ardhur me produkte apo shërbime të reja.

Për të kuptuar më shumë mbi efektet e pandemisë në sipërmarrjet e drejtuara nga gratë, Dhoma Ekonomike e Gruas ka ndërmarrë një anketë me gratë sipërmarrëse.

Antonela Hako, Kryetare e Dhomës, thotë se, “kjo anketë synon të identifikojë shqetësimet konkrete me të cilat po përballet biznesi. Pas identifikimit të tyre, do të synojmë gjetjen e mundësive për t’i tejkaluar këto sfida. Në këtë drejtim ne do të ndërmarrim hapa si Dhomë, duke komunikuar me institucionet pëgjegjëse për marrjen e masave lehtësuese”.

Nëse jeni një grua sipërmarrëse, në hapat tuaj të parë, apo edhe me përvojë tashmë në treg, Dhoma ju fton të shprehni zërin tuaj përmes plotësimit të anketës më poshtë.

Plotëso Anketën

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0