Gjatë një fjalimi të tijin në klubin e Ekonomisë të New York, ai iu referua asaj periudhe si periudha më e mirë e jetës së tij.
Ai shprehet se kur nuk ke shumë para, e di si do ti shpenzosh, por kur bëhesh miliarder, je përpara shumë përgjegjësive.
“Nëse disponon më pak se 1 milion dollarë, ti e di si do ti shpenzosh ato para, “ – thotë ai në fjalimin e tij.” – Ndërsa kur ke 1 miliardë dollarë, atëhere ato nuk janë më paratë e tua…Paratë që unë kam sot përbëjnë përgjegjësi për mua. Ato janë besimi i njerëzve tek unë.”
Kjo nuk është hera e parë që Jack Ma flet për barrën e vështirë e të qënit miliarder. Edhe më parë, në një panel tjetër në New York, “Clinton Global Initiative”, ai iu referua ditëve të tij si mësues anglishteje si “fantastike”. Ai tha se çdokush me 1 milion dollarë është ‘me fat’, por kur arrin të bësh 10 milion dollarë ‘atëherë je në telashe’.
Pasi Alibaba u regjistrua në IPO, ai foli për CNBC duke shprehur se presioni që ndjen vjen bashkë me përgjegjësitë, veçanërisht tani që bota fokusohet në çmimin e aksioneve të Alibaba.
“IPO është diçka shumë e mire sepse…ndihem i lumtur me rezultatet,” – tha ai per CNBC. “Por sinqerisht e them, kur njerëzit mendojnë tepër pozitivisht për ty dhe te shohin sikur je shumë lart, ti ke përgjegjësinë për tu qetësuar, për të ndenjur me këmbët në tokë duke qenë vetvetja.”
FJALOR: Definicioni i IPO – Initial Public Offering”
Është shitja e parë a aksioneve nga një kompani private tek publiku. Shpesh IPO-të përdoren nga kompani të reja dhe të vogla që kërkojnë kapitalin për tu zgjeruar, por mund edhe të realizohen nga kompani të mëdha të cilat dëshirojnë të tregtohen në publik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
