Ja si të angazhoni punonjësit tuaj



Të entuziazmosh talentet për të punuar në ekipin tuaj nuk mund të ndalet pasi i keni marrë ata në punë.  Mbajtja e punonjësve tuaj të angazhuar dhe të ngazëllyer është më e rëndësishme sesa thjesht t’u kërkoni punonjësve t’i bashkohen ekipit tuaj.

Fatkeqësisht, shumë punëdhënës kanë mangësi kur bëhet fjalë për angazhimin e punonjësve. Një studim i kohëve të fundit nga Achievers, një platformë për njohjen e punonjësve, zbuloi se më pak se 1 në 5 punonjës (19%) e konsiderojnë veten “shumë të angazhuar”. U anketuan 1,154 punonjës nga organizata në të gjithë Amerikën e Veriut.

Lexo: 7 këndvështrimet e psikologjisë për rritjen e produktivitetit në punë

Kur punonjësit janë të shkëputur, ka më pak gjasa të jenë prodhues dhe në shumë raste, do të fillojnë të kërkojnë mundësi punësimi diku tjetër. Pra, si mund të sigurojë ekipi juaj që po drejtoni, angazhimin e punonjësve? Këtu janë disa hapa të thjeshtë që mund të ndërmerrni:

  1. Vendosni vlerat thelbësore:

Studimi zbuloi se kultura dhe vlerat thelbësore të një organizate janë faktori kryesor që ndikon në kënaqësinë e punonjësve. Por, shumë organizata gabojnë pasi thjeshtë lançojnë vlerat e tyre thelbësore, e varin listën e vlerave në mur dhe nuk bëjnë më tepër se aq. Nëse ndodh kështu, punonjësit nuk do të jenë të motivuar që të harmonizojnë punën e tyre me vlerat.

Për të rritur kënaqësinë dhe angazhimin e punonjësve, vendosni vlera thelbësore që do të rrënjosen në organizatën tuaj çdo ditë. Vlerat thelbësore gjithashtu tregojnë mënyrën sesi drejtojmë biznesin tonë dhe bashkëveprojmë me njëri-tjetrin dhe me klientët.

2. Vlerësoni punonjësit për punën e tyre:

Studimi zbuloi se një nga arsyet kryesore që punonjësit e paangazhuar po mendojnë të lënë punën e tyre aktuale është mungesa e vlerësimit. Në fakt, 82% e të anketuarve thanë se dëshirojnë të marrin më shumë vlerësime për punën.

Një tjetër vlerë është “arritja e rezultatit”. Një punonjës mund të vlerësohet për kohën shtesë të angazhimit në punë,  për zgjidhjen e problemeve ose ndihmën e dhënë një shoku.

  1. Jepuni mundësi punonjësve të rriten:

Një tjetër arsye kryesore që punonjësit humbasin angazhimin dhe fillojnë të kërkojnë punë diku tjetër, është sepse nuk shohin mundësi për avancim në karrierë. Në vend që të rrezikoni të humbisni punonjësit, mendoni se si të ndihmoni ekipin tuaj të rritet në karrierë.

Një mënyrë e thjeshtë për të ndihmuar punonjësit të përparojnë është ndërtimi i shtigjeve të përcaktuara të karrierës nëpër departamente. Për secilin punonjës, mund të zhvillohen objektiva të matshme, si shitjet, kontratat, etj, kështu që punonjësit e dinë se çfarë duhet të arrijnë për t’u rritur në karrierë.

Një mundësi tjetër për punëdhënësit është që t’u japin mundësi punonjësve të provojnë role të ndryshme në të gjithë organizatën.

Lexo: 50% e punonjësve nuk janë të kënaqur me punën e tyre!

Punonjësit e angazhuar mund të kontribuojnë pozitivisht në qëllimet e përgjithshme të kompanisë dhe të qëndrojnë me ekipin tuaj për një afat më të gjatë. Duke pasur një plan aktiv për t’i mbajtur punonjësit të angazhuar, ju mund ta vendosni organizatën tuaj në rrugën e  produktiviteti dhe përfitimit të vazhdueshëm.

Burimi: INC

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale