Ja si mund të ndikojë transparenca e pagave në kompaninë tuaj


 Cilat janë dy fjalët që mund të ngjallin mendime të forta dhe debate entuziaste në kompaninë tuaj? Transparenca e pagave.

Për dekada me rradhë, njerëzit i kanë mbajtur sekret pagat e tyre. Njerëzit nuk flisnin rreth parave që fitonin ose rreth parave me të cilat i paguanin punonjësit e tyre. Të flisje rreth pagave konsiderohej shumë e pasjellshme dhe ishte e padurueshme. Sidoqoftë, vitet e fundit këto norma kanë ndyshuar. Kompanitë e mbrojnë transparencën e pagave si një element që ngushton diferencat gjinore dhe raciale.

Të qenit të hapur, besimi në kulturën e kompanisë dhe motivimi ndaj punonjësve për të performuar njësoj si kolegët e tyre me pagesa më të larta janë argumente pro transparencës.

Kjo lëvizje ka hapur diskutime mbi faktin sesi transparenca e pagave mund të ndikojë tek kompania dhe disa të dhëna janë shumë surprizuese. New York Times ka publikuar një analizë të detajuar ku thotë se politika e pagave transparente mund të ulë lumturinë e punonjësve. Logjika: Punonjësit do të kuptojnë se paguhen më pak sesa kolegët e tyre dhe kjo mund të shkaktojë mungesë besimi mes tyre dhe stafit menaxherial. Kjo gjë është e vështirë të riparohet.

Lexo këtu: 3 trende të rëndësishme për të ardhmen e suksesshme të kompanive

Nga ana tjetër, kompanitë që kanë përdorur këtë metodë transparence kanë vënë re se të qenit i hapur me punonjësit është ajo që siguron besim afatgjatë me stafin.

Hidhini një sy Buffer, një startup software që është themeluar në vitin 2010 dhe ndodhet në San Francisco. Pas tre vitesh, themeluesit e kompanisë vendosën të përqafojnë tërësisht politikën e pagesave transparente: Të gjitha pagat e punonjësve postohen online, që t’i shohin të gjithë. Madje website i Buffer ka edhe një opsion për aplikantët potencialë të kompanisë. Aplikantët mund të shohin sesa mund të fitojnë edhe para se të dërgojnë letrën e motivimit.

Punonjësit e pëlqyen aq shumë këtë politikë saqë e nominuan Buffer si një nga vendet më të mira të punës në Amerikë në vitin 2018. Pozitiviteti i punonjësve shkoi përkrah me suksesin financiar. Buffet u fut në listën e 5000 kompanive me rritjen më të shpejtë në Amerikë po në të njëjtin vit. Times theksoi: “Kultura e kompanisë mund të jetë një formë kapitali”.

Vitin e kaluar, një raport i LinkedIn që përfshiu më shumë sesa 5.000 kompani tregoi se 22% e tyre do të fillonin të ndanin më shumë informacion për transparencën e pagesave deri në vitin 2024. Duke pasur këtë në mendje, pyesni veten: Si është qëndrimi i kompanisë tuaj për transparencën e pagave? A kanë ndryshuar politikat vitet e fundit, nëse po, si? Kjo do t’ju bëjë të mendoni më tepër rreth funksionimit të kësaj politike.

Inc

 

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale