Ja cili është biznesi që kthehet me dy medalje nga Turqia - Business Magazine Albania

Ja cili është biznesi që kthehet me dy medalje nga Turqia


Mjeshtrit e gatimit të Restorantit “Albis” nga Gostivari dekorohen me mirënjohje të reja, kësaj radhe, në edicionin e 15-të të festivalit internacional gastronomik “Stamboll 2017”, që është mbajtur nën organizim të fuqisë gastronomike botërore “Tashfed”.

Ky festival zë vendin e dytë për nga rëndësia e gatimit në botë, ndërsa në të ka pasur 2 mijë pjesëmarrës nga vende të ndryshme të botës si: SHBA-ja, Britania e Madhe, Italia, Maqedonia, Kroacia, Izraeli, Palestina, Pakistani, Monoglia, Japonia, Kina dhe vende të tjera.

Lirim Dauti nga skuadra e Restorant Albis prej 13 persona, në garën “Kuzhina moderne” ka marrë medalje arit dhe argjendi, kurse pronari i restorant Albis Besim Latifi dhe kryekuzhinieri Jeton Taravari sivjet kanë qenë gjyqtarë të kësaj gare së bashku edhe me Lupço Gievskin nga Maqedonia.

Kryetar i jurisë ka qenë Geri Filbi nga Britania e Madhe, kurse i pranishëm dhe në cilësinë e gjyqtarit ka qenë edhe kryetari i Federatës botërore të gatimit, Tomas Gugler. Për “Restorant Albis” kjo nuk është hera e parë që merr pjesë në gara të këtij lloji, e ku përveç prezentimit të kuzhinës moderne ka prezantuar edhe atë tradicionale të trevave tona. Ata shprehen se pjesëmarrja pavarësisht përvojës dhe njohjes me kulinarët e tjerë të botës, rrit gjithashtu cilësinë dhe suksesin për ata në biznes.

Përveç skuadrës së Restorant Albis nga Maqedonia, ka pasur edhe garues tjerë, të cilët janë kthyer me medalje nga Turqia, por Albis kanë qenë të vetmit shqiptarë pjesmarrës, të cilët kanë zënë dy çmime dhe kanë marrë disa mirënjohje në këtë festival me çmime botërore në sferën e gatimit.

burimi: Flaka

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0