Sipas ekspertëve të psikologjisë dhe studimeve që janë bërë është zbuluar se, kur dikush pranon që ka gabuar nuk shihet si më pak kompetent. Përkundrazi ata konsiderohen si më të zgjuar dhe më miqësorë.
Njerëzit shumë të suksesshëm dhe të pëlqyeshëm janë pranues dhe ata nuk kanë frikë të thonë tre fjalë të thjeshta: “Unë e kisha gabim”.
1. Ata kanë prioritet mësimin dhe rritjen.
Çelësi është t’i kujtoni vetes se edhe pse sjellja juaj ishte e gabuar ju mund ta ndryshoni atë në të ardhmen. Vetëm se po pranoni gabimin, kjo nuk do të thotë se jeni një person i keq, për arsye se e keni bërë atë gabim.
2. Ata kërkojnë më shumë informacion.
Kur dikush ju thotë se e keni gabim, në vend që të hidheni menjëherë në mbrojtje, pyesni se pse po jua thonë këtë. Kjo jo vetëm që ju bën më të hapur ndaj reagimeve dhe mendimeve të personit tjetër, por gjithashtu ka potencialin për të zgjeruar mënyrën se si mendoni për një temë ose çështje.
3. Ata shpesh e kujtojnë se njerëzit janë të prirur për të falur.
Kur e pranojmë se e kemi gabim, jo vetëm që do të shihemi si më të fortë dhe më miqësorë, por ka shumë të ngjarë që të falemi edhe për shkeljet tona. Ne krijojmë më shumë potencial për të ruajtur ose riparuar lidhjet më të rëndësishme në jetën tonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
