Ja arsyeja e thjeshtë pse mendoni gjëra negative gjatë gjithë ditës
Përditësuar së fundmi: 17/09/2019

Ja arsyeja e thjeshtë pse mendoni gjëra negative gjatë gjithë ditës

Share
nga Eridon Elshani
Sht 17, 2019
-Manages Business Mag Kosovo -Studies Philosophy at University of Prishtina
lexo me teper >

Sa më shumë ta kuptoni se si funksionon truri juaj dhe çfarë ndodh fizikisht brenda trupit tuaj, aq më lehtë mund të përballeni me situatat stresuese.

Nga John Brandon, shkrimtar

Këtë e kam mësuar shumë herë, sidomos gjatë udhëtimeve të punës dhe kur takoj njerëz të rinj. Si një introvert, unë duhet t’i menaxhoj mendimet negative që shfaqen çdoherë, sepse unë jam gjithmonë duke analizuar atë çfarë thonë njerëzit.

Tani unë kam gjetur një mënyrë më të mirë për të luftuar këtë problem.

Kam lexuar shumë për kimikatet që kontrollojnë sjelljen në trurin tonë. Kam shkruar shumë herë për dopaminën dhe si përvojat pozitive shkaktojnë ndjenja dhe mendime të mira. Është kjo arsyeja pse na pëlqen të kontrollojmë email-in, duke shpresuar për një mesazh inkurajues. Është gjithashtu arsyeja pse ne i kontrollojmë telefonat tanë aq shpesh për mesazhe.

Nga kureshtia, gjatë studimit të kësaj teme kohët e fundit, rezulton se ekziston një kimikat i quajtur kortizol që lidhet me hormonet dhe nivelet e stresit tuaj.

Kjo më duket shumë interesante: Kortizoli është një kimikat në trurin tuaj që ka tendencë të nxit mendimet negative. Truri juaj e do kortizolin dhe ekziston një luftë e mrekullueshme midis dopaminës dhe kortizolit.

Lexoni: Si të jemi sa më pozitivë

I njohur si një sistem alarmi, truri juaj lëshon kortizolin kimik si një mënyrë për t’ju paralajmëruar për një rrezik të afërt dhe le të jemi të sinqertë, kjo është mjaft e dobishme ndonjëherë. Makina mbrapa jush po vjen shumë shpejt; një person toksik në zyrë po përhap thashetheme për ju. Këto përvoja janë të zakonshme dhe shkaktojnë kortizol në trurin tuaj me një çast të vetëm, që do të thotë se mendimet negative vijnë më lehtë sesa mendimet pozitive.

Mendoni se si funksionon kjo. Kur e shihni që ajo makinë po afrohet shumë shpejt ose kur të ndesheni me atë personin toksik në zyrë, reagimi që ju duket më i duhuri – është të ndjeheni stres dhe ankth, për të supozuar se do të ndodhë më e keqja dhe për të nxitur negativitetin. Problemi është se shumë prej nesh zhvillojmë një model negativiteti sepse truri ynë e preferon atë model.

Megjithatë, e vërteta është pak më e komplikuar.

Ajo veturë me siguri do të largohet nga ju dhe ai person toksik me siguri që nuk do ta ketë të gjatë në kompaninë tuaj.

Lexoni: Doni të jeni më të lumtur? Shkenca sugjeron që të veproni kështu çdo ditë

Largimi i mendimeve negative është një strategji e shkëlqyer.

Në zyrë, mendimet negative mund të vijnë dhjetëra herë në ditë. Një email akuzues? Një akuzë për vonesën në punë? Në vend që të spërkatni negativitetin, mendoni më mirë nga një kënd pozitiv. Ai person që ju akuzon mund të ketë një ditë të keqe dhe mund t’i ofroni një inkurajim në vend të kësaj. Nëse gjithmonë jeni vonë për në punë, mbase mund të përqendroni mendimet tuaja se si nuk është fundi i botës.

Mendimet pozitive janë më të vështira se ato negative. Ato kërkojnë më shumë punë. Ju duhet të krijoni modele të reja dhe mënyra të reja të të menduarit.

Lexoni: Disa mënyra për të qenë më të lumtur në punë, sipas ekspertëve të karrierës

Inc