Anija kozmike izraelite “Beresheet” do të ulet, më 11 prill në sipërfaqen e satelitit të Tokës. Një raketë e nisur nga Cape Canaveral, në Florida, mban anijen kozmike izraelite “Beresheet”, që po provon të bëjë histori, madje dy herë. Si e para anije private që ulet në Hënë dhe si e para nga shteti hebre. “Beresheet”, që peshon 585 kg dhe që në hebraisht do të thotë “Gjeneza”, u lançua nga një raketë “Falcon 9” e kompanisë private amerikane “SpaceX”, të drejtuar nga sipërmarrësi Elon Musk.
Nisja u ndoq drejtpërdrejt në Izrael, me kryeministrin Benjamin Netanyahu në mesin e inxhinierëve të Qendrës së Kontrollit të Industrive izraelite Aerohapësinore. Anija izraelite u nxor në orbitën e Tokës, nga ku do të përdorë motorët e saj për udhëtimin shtatëjavor drejt Hënës, e për t’u ulur më 11 prill në sipërfaqen e satelitit të Tokës.
Lexo: Kina planifikon të eksplorojë Marsin vitin e ardhshëm
Misioni pa ekuipazh është pjesë e një interesi të shtuar global për Hënën, që ndonjëherë quhet edhe “kontinenti i 8 i Tokës” dhe vjen 50 vite pasi astronautët amerikanë shkelën të parët në sipërfaqen e saj. Pas Kinës, më herët këtë vit, e tani edhe Izraelit, është India ajo që shpreson të bëhet vendi i pestë që prek Hënën, me një mision në pranverë. Edhe Japonia ka ambicie, por planet e saj janë më afatgjata. Ndërkohë, për amerikanët, një rikthim në Hënë është tashmë politikë zyrtare e NASA-s, bazuar në udhëzimet e lëshuara nga presidenti Donald Trump.
Izraeli Sot
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
