Qeveria italiane ka hapur një thirrje ku kërkon ndihmën e startup, PMI, universiteteve apo ndërmarrjeve, kundër Coronavirus
Një ftesë për kompanitë në fushën kërkimore për përdorimin e teknologjive të dobishme në monitorimin dhe përmbajtjen e virusit. Mediat italiane shkruajnë se Qeveria italiane fton të bashkohet bota e teknologjisë, e kërkimit dhe e inovacionit kundër emergjencës Coronavirus. Thirrja parashikon që kompanitë apo institucionet, përmes përdorimit të teknologjisë së tyre, njohurive, shfrytëzimit të mendjeve më të ndritura në këtë drejtim, të mund të sigurohet një kontribut në fushën e pajisjeve për parandalimin, diagnostikimin, monitorimin e Coronovarus. Objektivi është të përbahet dhe të ulet shpërndarja e Coronavirus (SARS-CoV-2) në Itali.
“Innova per l’Italia” është një nismë e ministrit të Inovacionit, Teknologjisë, e Digjitalizimit Paola Pisano, ministrit të Zhvillimit Ekonomi Stefano Patuanelli, ministrit të Universitetit dhe Kërkimit Gaetano Manfredi, me mbështetjen e Komisarit të Jashtëzakonshëm për Emergjencën Coronavirus Domenico Arcuri.
Teknologjia dhe inovacioni në të gjitha format e saj përmes proceseve, produkteve dhe zgjidhjeve mund të ndihmojë në mënyrë domehtënëse në përgjigje të emergjencës. Nevojitet impenimi i të gjithëve që inovacioni teknologjik të sigurojë instrumenta për t’iu përgjigjur një situate krize që po prek dramatikisht Italinë.
Ftesa për ndërmarrje, universitete, ente vjen në tri fusha:
- Inovimi ose ndryshimi i përdorimit industrial në teknologjitë apo proceset tashmë ekzistuese për të siguruar pajisje të mbrojtjes individuale (si maska) dhe prodhimi i sistemeve respiratore për trajtimin e sëmundjeve respiratore.
- Sigurimi i pakove të teknologjive inovative që lehtësojnë diagnozën e Covid-19, apo tamponë, elemente aksesorë, apo instrumente të tjera për diagnostikimin e lehtë dhe të shpejtë, duke siguruar standardet e kërkuara të besueshmërisë.
- Teknologji e instrumente, që në bazë të normativave tashmë në fuqi, mund të lejojnë, lehtësojnë monitorimin dhe parandalimin e Covid-19.
Në vendin tonë aktualisht një i ri ka ndërtuar një aplikacion që pasqyron dinamikën e ecurisë së Coronavirusit. Eksperti i IT Blenard Pazari ka mundësuar platformën për monitorimin e situatës së të infektuarve.
Lexo: COVID-19, Statistika në kohë reale
Ndërsa mjeku nga Shkodra, Edison Shimaj, ka vënë në dispozicion pajisejt e tij 3D për të printuar tubat e nevojshëm, që mundësojnë përdorimin e bomboloës së oksigjenit njëkohësisht nga 3-4 pacientë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
