Mjeku stomatolog, Edison Shimaj, duke ndjekur situatën kritike që po kalon bota dhe Shqipëria, ka vënë re vështirësitë për gjetjen e ventilatorëve. Ai di ndërkohë rëndësinë e printerave 3D, në prodhimin e valvulave, një fakt i provuar tashmë në veri të Italisë javës së kaluar.
Shumë vende kanë gjetur një zgjidhje të mesme, duke vënë në punë një ventilator për më shumë se 1 person. Ata kanë krijuar një tub plastik, që bën shpërndarjen e ajrit në dy ose tre rrugë. Stomatologu nga Shkodra, tha për businessmag se, “mund të ofroj deri në 500 tuba shpërndarës, të cilët printohen në printera 3D”.
Ai thotë se nëse mëson çfarë aparati aspirimi disponon spitali dhe diametrin e tubave, ai mund të ofrojë ndihmën e tij, duke i krijuar këto tuba brenda 6-7 ditësh.
“Unë disponoj 5 printera dhe kam diku 6-7 litra rezinë gjendje. Kam parë nëpër internet shumë njerëz, që po prodhojnë valvula”, thotë Dr. Shimaj, për Business Mag.
Lexoni: Si po e ndryshon Coronavirusi industrinë e librit?!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
