Italia ka zgjedhur ta nxisë turizmin edhe duke mbështetur konsumatorët. Familjet italiane, me të ardhura vjetore deri në 40 mijë euro do të marrin deri në 500 euro bonus për të shpenzuar për pushimet verore në vend.
Ministri i Trashëgimisë Kulturore, Dario Franceschini tha gjatë prezantimit të paketës se, “Kjo masë, parashikon një kontribut deri në 500 euro për të mbuluar shpenzimet nëpër strukturat akomoduese brenda Italisë”.
Bonusi varion në bazë të numrit të anëtarëve të familjes; deri në 500 euro për familjet me 3 ose më shumë anëtarë, 300 euro për familjet me dy anëtarë dhe 150 euro për ato me vetëm një person.
Në total vlera e bonusi financiar për turizmin shkon në 2.4 miliardë euro.
Bonusi do të mund të shpenzohet nga data 1 korrik deri në 31 dhjetor të këtij viti. Ai jepet në formën e zbritjes nga fatura në strukturat akomoduese, në masën 80%, ndërsa 20% do të jepet në formën e zbritjes nga taksa mbi të ardhurat. Sipas Ministrit, paketa e tretë e ndihmës financiare bën që vlera e ndihmës shtetërore për turizmin dhe trashëgiminë kulturore në Itali të shkojë në 5 miliardë euro.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
