Ish-kreu i CDC-së amerikane rihap debatin: Pse Koronavirusi ka origjinën nga një laborator - Business Magazine Albania

Ish-kreu i CDC-së amerikane rihap debatin: Pse Koronavirusi ka origjinën nga një laborator

Ish-drejtori i Qendrës për Kontrollin dhe Parandalimin e Sëmundjeve në SHBA, Robert Redfield, tha se beson se Covid-19 është zbuluar shumë më herët nga laboratori në Wuhan të Kinës.

Ai tha në një intervistë për CNN se ky virus mund të ketë qarkulluar që në shtator të vitit 2019. Kjo është hera e parë që njeriu, i cili ka drejtuar agjencinë më të rëndësishme të sëmundjeve në SHBA, pranon se virusi doli nga laboratori.

“Njerëzit e tjerë nuk e besojnë këtë. Në rregull. Shkenca do arrijë në një përfundim gjithsesi,” tha ai.

“Nuk është e pazakontë që patogjenët respiratorë të infektojnë punonjësit e laboratorit. Nuk po them se është e qëllimshme. Por unë jam virolog, e kam kaluar gjithë jetën në virologji”, është shprehur ai.

Redfield ka thënë ndër të tjera se nuk ka asnjë kuptim në sensin biologjik që virusi të ketë kaluar kaq shpejt nga lakuriqi te njeriu.

“Nuk besoj se ky virus erdhi nga lakuriqi te njeriu, dhe në momentin që virusi erdhi te njeriu, u bë një prej viruseve më infektues që ka njohur njerëzimi”, tha ai.

“Normalisht, kur një patogjen kalon te njeriu, duhet një kohë për të kuptuar se si të bëhet sa më shumë efecient”, tha Redfield.

Shkencëtarë të ndryshëm kanë hedhur vazhdimisht tezën se virusi ka dalë nga laboratori, por kjo teori është hedhur poshtë me forcë nga Kina. Opinioni i tij përkon me zyrtarë të tjerë të administratës Trump, siç është ish-Sekretari i Shtetit Mike Pompeo, i cili kohët e fundit tha se kishte “një sasi të konsiderueshme provash” që virusi e kishte origjinën nga laboratori, por nuk dha prova.

Anthony Fauci, kreu i Institutit Kombëtar të Alergjisë dhe Sëmundjeve Infektive, i cili shërbeu në administratën Trump dhe tani në administratën e Joe Biden, tha se shumica e zyrtarëve të shëndetit publik nuk ishin dakord me “teorinë laboratorike kineze” kur u pyetën në një konferencë të Shtëpisë së Bardhë mbi deklaratat e Redfield.

Mbi origjinën e virusit një ekip i OBSH-së kreu një hetim në Wuhan dhe së shpejti pritet të publikohet raporti mbi gjetjet e kryera.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0