iPhone 8 do t'i bëjë të gjitha - Business Magazine Albania

iPhone 8 do t’i bëjë të gjitha


iPhone 7 ka pak muaj që është lançuar, por javën e kaluar, The Wall Street Journal raportoi se kompania është duke testuar 10 lloje të ndryshme të prototipave për iPhone-in e vitit 2017.

Këto janë spekulimet më të mëdha që kemi lexuar deri më tani:

iPhone 8 do të karikohet me wireless

AirPods të Apple nuk janë lëvizja e parë e kompanisë për të ‘shpëtuar’ nga kabllot. Burime të ndryshme, duke përfshirë Bloomberg, raportojnë se Apple është duke e testuar teknologjinë e mbushjes me wireless dhe se kjo teknologji do të paraqitet në iPhone-in e ardhshëm. Madje, iPhone 8 do të mund të mbushet nga një distancë e largët – edhe nga dhoma në dhomë.

Lamtumirë butoni Home

Në mënyrë që të rritet madhësia e pajisjes, Apple raporton se do ta largojë plotësisht butonin Home. Duke e hequr këtë buton Apple do të jetë në gjendje që të fitojë një hapësirë më të madhe të ekranit, i cili do të shtrihet nga skaji në skaj.

Mund të ketë teknologjinë e skanimit të fytyrës

Prezantimi i Touch ID në iPhone 5s solli një nivel krejtësisht të ri në sigurinë e celularëve, por Apple planifikon që biometrikën ta integrojë edhe më mirë. Një raport nga një prodhues çipesh nga Kina sugjeron se iPhone do të përmbajë teknologjinë e skanimit të syrit. Kjo do të thotë se përdoruesit do të jenë në gjendje ta hapin celularin vetëm duke e parë kamerën në ekran.

Ekrani do të jetë i lakuar

iPhone 8 pritet të ketë një ndryshim të madh në dizajn. Ndryshimi më i madh është se ekrani do të jetë i lakuar në skaje, ngjashëm me Galaxy S7 Edge.

iPhone 8 do të ketë kamer 3D

iPhone i ardhshëm i Apple do të ketë aftësinë për të bërë foto në 3D.

Gjigandi teknologjik thuhet se është duke bashkëpunuar me LG për të ndërtuar një kamer të re e cila do të jetë në gjendje që të kapë imazhe në një mënyrë krejt të re.

Burime të industrisë thanë se: “Apple është duke studiuar si të shtojë teknologjinë 3D të kamerës”.

Teknika për të kapur foto në 3D kërkon që fotot të bëhen me dy lente të ndryshme. Më pas këto lente kombinohen për të krijuar iluzionin e 3D-së.

Si të gjitha thashethemet rreth Apple që sillen nëpër botë, edhe këto nuk janë verifikuar ende dhe mund të jenë të pasakta.

Duhet të presim deri vitin tjetër për të parë se çfarë ka në mendje Apple për celularin e ardhshëm.

/TheWallStreetJournal

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0