Për nga gama e eksporteve, ende vijojmë të shohim një ‘varfëri’ të vlerës së shtuar, pasi “Tekstile dhe këpucë” janë rikthyer në kryesimin e eksporteve. Gati 45% të eksportit e zënë ato me 117 miliardë lekë mallra. Së bashku me grupin tjetër, atë të materialeve të ndërtimit dhe metalet, dhe grupet e mallrave ndikuan në gati 80% të rritjes së eksporteve. Rritja është udhëhequr nga dy grupe kryesore Performan.
Sipas të dhënave të Institutit të Statistikave, vitin e kaluar, ecuri negative në eksporte shënoi grupi “Minerale, lëndë djegëse, energji elektrike”, ndërsa grupet e tjera të mallrave pësuan rritje në vlera të ulëta.
Nga shporta e ekspertëve vërehet se, vijojmë të eksportojmë pak vlerë të shtuar, ndërsa industritë me volumin më të madh të eksporteve u përkasin, rieksporteve (tekstile-këpucë) apo burimeve natyrore pa vlerë të shtuar, siç janë minerali i kromit.
Italia është destinacioni kryesor i prodhimeve shqiptare. Rritja e kërkesës në tregun italian ka rimëkëmbur porositë për përpunim, e rrjedhimisht eksportet në tregun përtej detit, ndërkohë që tregtia me Greqinë, vijon të përjetojë pasojat e krizës greke.
Ndërkohë, blinaci tregtar në tërësi është përkeqësuar, pasi vlera e importeve u rrit shumë më tepër se ajo e eksporteve. Sipas INSTAT, importet në 2017-ën, arritën 626 miliardë lekë, duke u rritur 8% ndaj një viti më parë. Kjo bëri që defiçit tregtar të rritet 5%, duke arritur në një vlerë mbi 350 miliardë dollarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
