Instagram emëroi veteranin e Facebook Adam Mosseri si drejtues të ri të Instagram.
Javën e kaluar dy bashkë-themeluesit Kevin Systrom and Mike Krieger, respektivisht CEO dhe CTO, dhanë dorëheqjen papritmas pas përleshjeve të raportuara me CEO-n e Facebook Mark Zuckerberg. Facebook bleu Instagram në 2012 për 1 miliard dollarë.
Lexoni: Dy themeluesit e Instagram japin dorëheqjen. Çfarë do të ndodhë me aplikacionin?
Ngritja në detyrë e Mosseri u njoftua me një shkrim në blog dhe më pas me një postim në Instagram.
“Ne jemi të kënaqur të njoftojmë se Adam Mosseri, zëvendëspresidenti aktual i Produktit, do të bëhet kreu i Instagram duke filluar nga sot. Ne jemi të kënaqur që t’ia dorëzojmë timonin një udhëheqësi produkti me një formim të shkëlqyer në fushën e dizajnit dhe një fokus në punët artizanale dhe thjeshtësinë,” shkruajnë bashkëthemeluesit në postim.
https://www.instagram.com/p/BoZiHEqhTrP/?utm_source=ig_web_copy_link
Mosseri u bashkua me Facebook si dizajner në vitin 2008. Në Facebook ai punoi me produktin celular të kompanisë dhe me lajmet përpara se të transferohej në Instagram.
“Në rolin e tij drejtues, Adami do të mbikëqyrë të gjitha funksionet e biznesit dhe do të rekrutojë një ekip të ri ekzekutiv, duke përfshirë një drejtues inxhinierik, kreun e produktit dhe kreun e operacioneve”, shkroi Systrom dhe Krieger në këtë post.
/ABCNews
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
