Infermierja e apasionuar pas letërsisë, sjell vëllimin me poezi "Fjalët e librit"

Infermierja e apasionuar pas letërsisë, sjell vëllimin me poezi “Fjalët e librit”


E apasionuar pas letërsisë, por me profesion infermiere, Babeta Rexhepi sjell për lexuesin librin e saj të parë me poezi të titulluar “Fjalët e librit”. Një libër, në të cilin ajo ndërthur tema të ndryshme dhe prek fenomene aktuale të shoqërisë. “Ky është një libër, ku secili lexues do të gjejë veten”. Në një intervistë për BusinessMag.al Babeta sjell më shumë detaje nga libri i saj dhe nga ideja për krijimin e këtij libri.

Si lindi ideja e shkrimit të këtij libri?
Lidhja ime me letërsinë është e hershme. Mbaj mend se, që në vogëli mësuesit e parë të gjuhës dhe leximit veçonin tek unë aftësinë për të krijuar dhe për të interpretuar bukur. Kështu, pas shumë vitesh sprovash të të krijuarit, konkurimit në festivale të ndryshme letrare dhe antologjive, fitimit të disa çmimeve, vendosa të nxjerr në dritë librin tim të parë me poezi.

Pse keni zgjedhur ta titulloni kështu?
Libri titullohet “Fjalët e librit”, për vetë rëndësinë që ka kjo poezi për mua dhe kuptimin e thellë që përçon tek lexuesi. Nëpërmjet kësaj poezie, unë e personifikoj librin në një qenie duke i dhënë aftësinë për të shprehur dhimbjen e tij teksa lexuesit pakësohen për çdo ditë. Dua të prek një fenomen aktual të shoqërisë, që dita ditës po e braktis librin dhe pasojat që sjell kjo gjë për këtë, në fund unë bëj një kërkesë sublime që lexuesit mos të harrojnë librin dhe t’i kthejnë sytë përsëri nga ai.

Cilat janë temat që prek libri yt i poezive?

Libri është i ndarë në tre pjesë: vetes, dashurisë dhe jetës. Në çdo poezi përçohet një mesazh. Kryesisht unë i kam shkruar dashurisë, fëmijës, rinisë, tradhëtisë, natyrës, njerëzimit etj…Përse Babeta nuk zgjodhi të studionte letërsi por mjekësi?
Kjo është një pyetje që më bëhet shpesh. Zgjodha infermierinë sepse familja ime mendonte se i përshtatej personalitetit tim dhe mendoj se bëra mirë, pasi sot e dashuroj këtë profesion. Fakti që nuk studiova letërsi nuk ka qenë asnjëherë problem për mua pasi gjatë gjithë kohës kam investuar tek vetja, duke lexuar për çdo ditë dhe duke zhvilluar dhe krijmtarinë time gjithashtu.

Krijimiet që janë pjesë e këtij libri janë frymëzim i momentit, apo janë tema të mirëmenduara, që paraqesin një problematikë të caktuar?
Krijimet në këtë libër janë kryesisht frymëzime të momentit, por disa tematika kam dashur vetë t’i parashtroj në formën e poezisë pasi kam dashur të përcjell mesazhe, që për mua kishin shumë rëndësi t’i shpaloseshin lexuesit.

Çfarë synon përmes këtij libri?
Përmes këtij libri kërkoj që lexuesi të njihet me stilin tim të të shkruarit, botëkuptimin dhe mesazhet që unë kam dashur të përçoj.
Në të ardhmen të afërt, besoj se do të vij me një roman, me të cilin kam mbi dy vite që po punoj dhe do ketë një tematikë krejt ndryshe, nga ajo me të cilën jam shfaqur tek lexuesi deri tani.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0