India mund të ketë në “gjirin e saj” industrinë 1 trilionë dollarëshe të teknologjisë. Investitorët “kthejnë sytë” - Business Magazine Albania

India mund të ketë në “gjirin e saj” industrinë 1 trilionë dollarëshe të teknologjisë. Investitorët “kthejnë sytë”

Më shumë se dy dekada më parë, India filloi transformimin e saj për t’u kthyer në një fuqi globale në fushën teknologjisë së informacionit, duke sjellë një epokë mirëqënie dhe krijimit të vendeve të punës që nuk ishte parë më parë në vend.

Tani, ekonomia e tretë më e madhe e Azisë është gati për kufirin tjetër të madh në teknologji: ardhjen me një gjeneratë të re kompanish softuerësh si Zoom ose Slack.

Pandemia e Covid-19 ka detyruar biznesin në mbarë botën të bëjë investime të mëdha në infrastrukturën digjitale, duke çuar më tej ndikimin e kompanive që ofrojnë softuere-si-shërbime, ose shkurt me akronimin “SaaS”. Bizneset shpenzuan 15 miliardë dollarë shtesë në javë vitin e kaluar për teknologjinë ndërsa përpiqeshin të krijonin mjedise të sigurta pune në distancë, sipas një sondazhi të KPMG.

Kompanitë SaaS ofrojnë aplikacione të bazuara në ueb që kujdesen për gjithçka, nga sa i sigurt është softueri deri tek sa mirë funksionon. Disa nga kompanitë më të njohura në botë SaaS përfshijnë Zoom dhe Salesforce, gjiganti amerikan që zotëron aplikacionin e mesazheve në vendin e punës Slack.

Lexo edhe: 10 kompanitë më inovative në inteligjencën artificiale të vitit 2022

Sipas një raporti të fundit të përpiluar nga firma konsulente McKinsey & Co. dhe SaaSBoomi, një komunitet liderësh të industrisë, industria indiane e softuerit-si-shërbim mund të ketë vlerë 1 trilion dollarë deri në vitin 2030 dhe të krijojë gati gjysmë milioni vende të reja pune.

Ka gati një mijë kompani të tilla në Indi, nga të cilat 10 janë njëbrirësha, ose start-upe me vlerë të paktën 1 miliard dollarë, thuhet në raport.

“Kjo mund të jetë një mundësi aq e madhe sa ishte industria e shërbimeve të IT në vitet ’90,” tha Girish Mathrubootham, CEO i Freshworks, kompania më e njohur e Indisë, SaaS. Ai u paraqit për një IPO muajin e kaluar, duke u bashkuar me një varg njëbrirësh të tjerë të mëdhenj të teknologjisë indiane që do të bëhen publike këtë vit.

Nga 10 njëbrirëshët SaaS të Indisë, gjashtë arritën atë moment historik në vitin 2020 dhe investitorët në mbarë botën po i kushtojnë vëmendje. Vitin e kaluar, investitorët financuan 1.5 miliardë dollarë në kompanitë indiane SaaS, katër herë më shumë se në 2018 ose 2019, sipas raportit SaaSBoomi.

CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0