Shqipëria ka shënuar një përmirësim të lehtë në inovacion, sipas Indeksti Global të Inovacionit. Organizata Botërore e Pronësisë Intelektuale”, e cila publikon këtë indeks, e rendit Shqi[përinë të 83-ën, mes 132 vendeve, me një total 25.4 pikë. Ndaj vitit të kaluar, vendi ynë u përmirësua lehtësisht në pikëzim dhe renditje.
Ky Indeks zbulon ekonomitë më inovative në botë, mat performancën e ekosistemeve dhe “gjurmon” tendencat e reja të inovacionit dhe përparimin teknologjik në 132 ekonomi të botës.
Indeksi përfshin disa tregues, si mjedisi politik, arsimi, infrastruktura dhe krijimi I njohurive të reja. Indeksi bazohet në disa shtylla: Institutcionet, Kapitalet njerëzore dhe kërkimore, Infrastruktura, Sofistikimet e tregut dhe biznesit, si dhe Njohuritë e teknologjisë dhe kreativiteti. Vlerësimi i pikëve bëhet nga 0 deri në 100, ku 0 përfaqëson nivelin më të dobët dhe 100 nivelin më të mirë.
Shqipëria renditet më mirë për infrastrukturën, në vendin e 53-të, ndërsa vlerësimi më i dobët vjen për njohurive teknologjike dhe (vendi 91-të) dhe sofistikimin e tregut (vendi I 93-të).
Edhe më dobët renditet lidhur me kapitalin njerëzor dhe kërkimor (vendi I 96-të).
Në renditjen mes vendeve të rajonit Shqipëria paraqitet e fundit. Në Ballkan kryeson Serbia, si ekonomia më innovative dhe renditet në vendin e 53-të. Maqedonia e Veriut në vendin e 54-t dhe Mali i Zi renditet në vend të 75-të dhe Bosnje Hercegovina në vendin e 77-të.
Në nivel global, renditja kryesohet nga Zvicra, Suedia dhe Shtetet e Bashkuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
