Impianti fotovoltaik në Akërni do të ndërtohet nga kompania indiane » Business Magazine Albania – Media Dixhitale dedikuar Sipërmarrjes
Përditësuar së fundmi: 12/11/2018

Impianti fotovoltaik në Akërni do të ndërtohet nga kompania indiane

Share
nga Albana Mucaj
Nën 12, 2018
Ndërtimi i impiantit fotovoltaik në Zonën e Akërnisë (Vlorë) pritet të marrë një investim privat prej 70 milionë eurosh. Ministria e Infrastrukturës dhe Energjisë ka mbyllur fazën e konkurimit dhe përzgjedhjes së kompanive.

Impianti parashikon një kapacitet gjenerues të instaluar 50 MW si pjesë e masave mbështetëse dhe ndërtimin e kapaciteteve të tjera shtesë prej 50 MW (100 MW në total), të cilat do të jenë lirisht të tregtueshme në tregun e energjisë.

Në fazën finale të vlerësimit, u kualifikuan 3 ofertues. Oferta më e vlerësuar ishte ajo e paraqitur nga bashkimi i shoqërive India Power Corporation ltd e regjistruar në Indi, Mininig Resources FZE.

Lexo: Energjia, duhet të zgjedhim mes hapjes së tregut ose “arnimeve”

Ministria vëren se kompania lider e konsorciumit, India Power Coporation LTd, është një nga kompanitë më të mëdha energjitike të Indisë, me përvojë 100 vjeçare, me kapacitete të instaluara prej 1500 MW, që përfshin kapacitetet të prodhimit të energjisë termike, erës dhe energji diellore dhe e zotëruar nga Grupi Kanoria Foundation.

Projekti ka vlerën 70 milionë Euro dhe pritet të hapë vende të reja pune. Ai cilësohet si një hap i rëndësishëm në diversifikimin e burimeve të energjisë në Shqipëri dhe do të hapë gjithashtu rrugën për krijimin e Shqipërisë si një qendër të energjisë diellore në rajon.


Evente

Panairi i Sipërmarrjeve me Impakt Social

Janar 22, 2019
ora 10:00 – 15:00