iLance.al, platforma e parë freelance në Shqipëri - Business Magazine Albania

iLance.al, platforma e parë freelance në Shqipëri


Platforma iLance.al sjell në Shqipëri për herë të parë një mënyrë tjetër punësimi, ai i freelancer. Pra çdokush që kërkon të punojë përtej punës së tij 9 me 6, tashmë ka mundësinë ta bëjë. Mund të keni dëgjuar për platforma si Fiverr, Upwork, Freelancer.com, të cilat ofrojnë mundësi punësimi si freelancer. Për tregun shqiptar, një opsion është iLance.al.

Platforma është krijuar për të qenë urë lidhëse midis punëdhënësve dhe personave freelance.

Nisma vlerësohet të ketë ardhur pasi ka shumë punëdhënës shqiptarë (biznese, organizata, apo edhe individë), të cilët kërkojnë freelancer për të përfunduar një projekt. Në të njëjtën kohë, nuk mungojnë freelancer shqiptarë.

Në platformën e thjeshtë në përdorim mund të regjistrohet çdokush që ka talent apo aftësi në një fushë të caktuar profesionale apo çdokush që duhet të punësojë një freelancer për të përfunduar projektin. Kategoritë janë të shumta si: përkthime, shkrimi i kontentit, research dhe kërkimet studimore, mësimdhënia online e deri te zhvillimet e programeve apo website-ve. Pra, çdo punë që një individ mund të kryejë online.

Një individ mjafton të regjistrohet duke hapur një llogari në iLance, të specifikojë nëse është Freelancer apo Punëdhënës, dhe mund të nisë menjëherë përdorimin e platformës, pa taksa regjistrimi apo hapa te tjerë burokratikë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0