Kjo nismë do të zhvillohet në funksion të inovacionit dhe ka për qëllim të tërheqë të gjithë ata studentë të talentuar me interes për të drejtuar energjitë e tyre në mjedisin bankar.
Programi është i ndërtuar rreth ideve të reja dhe inovatore në sektorin bankar. Këto ide do të marrin jetë në laboratorin e Inovacionit (i-lab) në Zyrat Qendrore të Bankës Societe Generale Albania.
Këto ide mund të jenë:
• Inovacion në shërbime, aplikacione,
• Inovacion në procese,
• Inovacion në produkte
• Tjetër
Të gjithë ata që janë të interesuar të bëhen pjesë e programit mund te aplikojnë individualisht ose në grup duke plotësuar formularin e aplikimit* më poshtë:
*Për të plotësuar formularin e aplikimit nga telefoni, ju lutem ktheni faqen në versionin desktop.
Programi do të ketë katër faza:
Faza 1:
Në fazën e parë do përzgjidhen aplikimet dhe profilet që plotësojnë kriteret e vendosura. Procesi i përzgjedhjes do të bëhet nga një strukturë profesionistësh të Bankës Societe Generale Albania nga të gjitha profilet bankare. Nga kjo fazë do të përzgjidhen deri në 12 profile aplikuesish.
Faza 2:
Gjatë fazës së dytë do të ketë një proces tjetër përzgjedhës nga e cila, aplikuesve të përzgjedhur do t’ju kërkohet të bëjnë një prezantim të shkurtër të ideve inovative në fushën e shërbimeve financiare. Nga kjo përzgjedhje do të dalin 3-4 ide fituese. Këto ide do të mund të zhvillohen nga aplikantët e përzgjedhur në fazën e parë. Pas përzgjedhjes do të krijohen grupet e punës. Ndërtimi i grupit nuk është i vlefshëm për aplikimet që janë bërë në grup.
Sërish përzgjedhja e ideve më të mira do të bëhet nga një strukturë profesionistësh të Bankës Societe Generale Albania nga të gjitha profilet bankare.
Faza 3:
Faza e tretë e cilësuar edhe si Praktika do të zgjatë 3-4 javë. Përgjatë kësaj periudhe grupeve të punës do t’u ofrohet një mjedis inovator dhe komod, iLab, ku nën prezencën e mentorëve, aplikuesit, tashmë kandidatë do të mund të vendosin në jetë idetë e tyre.
Mentorët do të jenë profesionistë nga fusha të ndryshme të bankës si: IT, Financë, Thesari, Biznesi, Retail, etj.. I gjithë programi do të jetë nën drejtimin e Drejtorit të Divizionit Operacional dhe Departamentit të Marketingut të Bankës Societe Generale Albania.
Faza 4 :
Faza e katërt do të përmbajë prezantimin e inovacionit të zhvilluar. Grupet e punës me në krye mentorët e tyre do mund të prezantojnë idenë e tyre në mënyrën që dëshirojnë. Në përfundim do të zgjidhet ideja e grupit fitues.
Fituesve do t’u ofrohet mundësia të jenë pjesë e projektit implementues nëpërmjet një kontrate pune me Bankën.
Si të aplikoj?
Ju mund të aplikoni duke plotësuar formularin e aplikimit.
Cilat janë kriteret e përzgjedhjes?
• Studentë në universitetet brenda dhe jashtë vendit, (studentë në vitin e 3-të të sistemit Bachelor si dhe studentë në 2 vitet studimore të nivelit të 2-të master )
• Të rinj të sapodiplomuar
• Fusha e studimit: ekonomi, informatikë, shkenca kompjuterike etj.
• Aftësi shumë të mira komunikimi dhe ndërpersonale;
• Aftësi shumë të mira të punës në grup;
• Njohje shumë e mirë e gjuhës angleze.
Çfarë përfitoj unë nga ky program?
Programi i ofruar është një mundësi e shkëlqyer për të përfituar pa asnjë kosto trajnime, aftësi, njohje të reja shumë të rëndësishme për karrierën tuaj.
• Të gjithë pjesëmarrësit do të kenë mundësi të njihen me strukturat e bankës e cila është pjesë e një ndër grupeve bankare më prestigjoze në Europë dhe Botë.
• Aftësi për të ndërtuar në mënyrë profesionale një Business Case, me të gjithë elementët e tij.
• Trajnim për prezantimin e projektit në PPT format, Soft Skills. Vlen të theksohet se metodologjitë e implementura janë të miratura nga Grupi SG.
• Trajnim në menaxhimin e projekteve me metodologjinë PRISM, metodologji e përdorur nga grupi SG
• Networking
Detaje te tjera:
• Kohëzgjatja e praktikës: 3-4 javë
• Afati i aplikimit: 20 Shkurt 2017
Për më shumë informacion ju lutem shkruani në adresën [email protected]
Burimi: societegenerale.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
