IBM njoftoi ndërprerjen e shitjes së programeve të njohjes së fytyrës për qëllime të përgjithshme dhe deklaroi se ishte kundër përdorimit të çdo teknologjie për qëllime të mbikëqyrjes masive, profilimit racor, shkeljeve të të drejtave dhe lirive themelore të njeriut. Drejtori i Përgjithshëm i kompanisë, Arvind Krishna, e bëri të ditur këtë vendim me anë të një letre drejtuar Kongresit Amerikan, në të cilën ai kërkoi një ligj të drejtësisë racore.
“Ne mendojmë se ka ardhur momenti për të hapur një dialog kombëtar mbi teknologjitë e njohjes faciale për të vendosur nëse ato duhet të përdoren dhe si”, shkroi Krishna, duke theksuar problemet që lidhen me paragjykimet për përkatësinë etnike dhe gjinore që gjenden në sistemet e inteligjence artificiale.
Njohja faciale është e bazuar në teknologji të inteligjencës artificiale (IA). Ajo mund të shërbejë për të identifikuar përdoruesit e një shërbimi (smartfon, sistem pagesash…) por gjithashtu për të identifikuar personat brenda një grupi individësh të pranishëm fizikisht ose në një bazë të dhënash fotografish.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
