Honor 9 Lite prezantohet në Europë, me quad-camera dhe FullView screen


Menjëherë pas prezantimit të Honor 7X, sub-brand i Huawei, Honor, vjen me një produkt të ri tepër premtues për segmentin e mesëm. Është pikërisht Honor 9 Lite. Pas një eventi në Londër pak ditë më parë, 9 Lite, është tashmë në shitje për £199 në Britani dhe për €229 në Gjermani, Itali, Francë, Spanjë, direkt nga website i Honor.

Si modeli i parë Lite i një produkti flagship të Honor për Europën Perëndimore, të gjithë jemi kurioz se çka duhet të presim nga ky produkt. Kështu, le të flasim pak më specifikisht për të.

Ky smartphone është i pajisur me një ekran FullView, me një raport 18:9. Ky ekran ka një madhësi prej 5.65 inch dhe rezolucion 2160 x 1080 (428 ppi) dhe është i rrethuar nga korniza shumë të holla. E gjithë kjo, rezulton në eleminimin e sensorit finger-print nga përpara. Kështu, Honor 9 Lite, e ka të vendosur këtë sensor në pjesën e pasme, ashtu si Honor 8 dhe Honor 7X.

9 Lite, gjithashtu është i pajisur me 2 kamera. Kamera përpara është e pajisur me një lente prej 2MP. Kurse kamera e pasme, 12MP. Të dyja këto, të afta që të bëjnë foto të thella “blurry”, apo me close-up-focus.

Ky model është i pajisur me proçesor nga Huawei octa-core Kirin 659 chipset (4 x 2.36GHz + 4 x 1.7GHz). Modelet për Britaninë, vijnë me 3GB RAM, bateri 3,000 mAh, dhe 32GB hapësirë të brendshme. Kjo e fundit, mund të shtohet nëpërmjet kartave MicroSD deri në 256GB.

Ndonëse e pajisur me Micro USB në vend të Type C, kompania nuk ka harruar që ky model të vijë me sistemin operativ më të fundit. Honor 9 Lite, vjen me EMUI 8.0, i bazuar në Android 8.0 Oreo. Gjithashtu, Honor ka zgjedhur të jetë pak “old-school” përsa i përket kufjeve. Ndërkohë që shumë po shkojnë drejt rrugës së wireless, gjendet një portë 3.5mm Jack në të.

Ndonëse jo për t’u habitur, ky model nuk mund të cilësohet i keq. Të marrësh gjithë këtë performancë për një çmim kaq të ulët, nuk është edhe aq keq. Vite më parë, të duhej të shpenzoje më shumë se 600 euro për diçka të ngjashme. Ndërsa sot? Jo më shumë se shpenzimet për ushqime të një muaji.

Burimi: Android Authority

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale