Henry Leerentveld, Drejtor për Europën Lindore në Swisscontact vjen si folës në AllWeb Albania 2019 - Business Magazine Albania

Henry Leerentveld, Drejtor për Europën Lindore në Swisscontact vjen si folës në AllWeb Albania 2019


Henry Leerentveld, Drejtor për Europën Lindore në Swisscontact vjen si folës në AllWeb Albania 2019, në datën 17 Tetor.

Henry ka një përvojë të gjerë në menaxhimin kombëtar dhe ndërkombëtar në sektorin e shërbimeve, kryesisht të lidhura me zhvillimin ekonomik. Përvoja e tij në shërbimet financiare përfshin fondet, investimet dhe marrëveshjet sociale. Kompetencat kryesore të Henry janë zhvillimi strategjik dhe negociatat.

Ai është pjesë e konferencave në vende të ndryshme të botës dhe ka bërë prezantime të ndryshme në vende si Polonia, Serbia, Turqia, Kroacia, Kosova. Së fundmi ai ka qenë folës në eventin Tirana Tech Open, organizuar në Tiranë.

Ai aty prezantoi impaktin e projektit “Aftësi për Punë” në disa prej shkollave të mesme profesionale në Shqipëri, duke theksuar se është e rëndësishme që ekspertë të fushës të mblidhen së bashku të flasin për inteligjencën artificiale dhe robotikën. Është e rëndësishme ndërkohë që Shqipëria të përgatitet për pasojat e saj dhe të krijojë më shumë vende punë.

Lexoni: Pse duhet të merrni pjesë në konferencën e marketingut dixhital, AllWeb Albania me 17 Tetor?

Henry Leerentveld është diplomuar për Menaxhimin e Burimeve Njerëzore dhe Marrëdhëniet në Punë. Më pas është diplomuar për Menaxhim Ekzekutiv në Universitetin Erasmus. Që nga fillimi i karrierës së tij, puna e Leerentveld ka qenë e lidhur me tregun e punës dhe arsimin profesional.

Si Sekretar Kombëtar në Sindikatën Hollandeze (1987–1997), Henry ishte përgjegjës për Shërbimin Kombëtar të Punësimit, për politikat për papunësinë afatgjatë, punësimin e të rinjve dhe personave me aftësi të kufizuara dhe për krijimin e mundësisë për fonde për sektorin e trajnimeve.

Si CEO i Shërbimeve Hollandeze për karrierën dhe punësimin (1997–2000), ai ishte i përfshirë në zhvillimin e shërbimeve të reja për integrimin në tregun e punës. Gjatë viteve 2000-2003, Leerentveld ka punuar në një sërë çështjesh, duke përfshirë modelet e reja për integrimin e shërbimeve të papunësisë afatgjatë, rritjen e shërbimeve për kujdesin në shtëpi dhe risjelljen e një kompanie publike të transmetimit.

Në vitin 2003 Henry Leerentveld filloi të punojë ndërkombëtarisht, veçanërisht në projekte që lidhen me tregun e punës, sigurimet shoqërore dhe AFP-në.

Përvoja e tij ndërkombëtare përfshin Shqipërinë, Belgjikën, Bosnje & Hercegovinën, Kroacinë, Eritrea, Kosovën, Maqedoninë, Mozambikun, Palestinën, Poloninë, Serbinë, Sirinë, Turqinë dhe Uzbekistanin.

Ai gjithashtu është bashkëthemelues i një Fondi Pesionesh prej 1.5 miliardë Euro për 88,000 anëtarë.

Në një prononcim për BusinessMag Henry ka treguar edhe temën e prezantimit të tij: “Do të flas për Revolucionin e 4-ët Industrial. Është ky një revolucion? Është i pozicionuar mirë? A jemi të përgatitur për Revolucionin e 4-ët Industrial? Çfarë duhet të ndryshojmë për ta bërë atë të suksesshëm? Ku nevojitet ndihma e të gjithë njerëzve?”

“Ne duhet të ndryshojmë shumë gjëra, si në edukim, si në mënyrën e organizimit të sistemit për ta bërë revolucionin e 4-ët një sukses,” mbyll prononcimin e tij Henry.

Lexoni: AllWeb Albania 2019 prezanton folësit e rinj, Kirsten Jassies, Henry Leerentveld dhe Granit Doshlaku

Në vitin 2015 Henry iu bashkua Swisscontact si Drejtor për Europën Lindore. Inovacioni për zhvillimin ekonomik është një mision pothuajse personal për të.

‘Swisscontact është organizatë zvicerane e themeluar në vitin 1959. Ajo promovon zhvillimin ekonomik, shoqëror dhe ekologjik duke mbështetur integrimin me sukses të individëve në jetën lokale tregtare. Swisscontact u krijon mundësi njerëzve duke punuar për përmirësimin e kushteve të jetesës, në mbështetje të përpjekjeve të tyre personale. Nëpërmjet projekteve të saj, Swisscontact punon për të mundësuar aksesin në formim profesional, nxit sipërmarrjen lokale, krijon akses tek ofruesit lokalë të shërbimeve financiare dhe mbështet përdorimin efikas të burimeve me qëllim promovimin me sukses të punësimit dhe të gjenerimit.’

Më poshtë ju ftojmë të dëgjoni intervistën për BusinessMag me z. Henry Leerentveld, Drejtor i Europës Lindore në Swisscontact, lidhur me Projektin Skills for Jobs (S4J).

Për sponsorizime, bileta apo informacione më të detajuara kontaktoni me:

Gerti Boshnjaku, në +355 67 20 11 531 ose gerti@newmedia.al

Si edhe me Darko Buldioski, në 070/ 30 70 40 ose në darko@newmedia.mk

ose mund të blini biletën tuaj në https://allweb.al/tickets/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0