Hapen thirrjet për aplikime për konkursin "Ide të Gjelbërta 2019" - Business Magazine Albania

Hapen thirrjet për aplikime për konkursin “Ide të Gjelbërta 2019”


Konkursi “Ide të Gjelbërta” synon të stimulojë e inkurajojë inovacionin për ide biznesi të gjelbërta në nivel lokal dhe të hulumtojë rolin e filantropisë në angazhimin e komuniteteve lokale për të gjeneruar ide biznesi të bazuara në shfrytëzimin e burimeve lokale, ringjalljen e traditave të prodhimit dhe tregjeve lokale. Përmes mbështetjes së nismave inovatore që nxisin zhvillimin e qëndrueshëm ekonomik lokal, konkursi synon të kontribojë në mënyrë thelbësore në ndërtimin e një rajoni të begatë, konkurrues dhe të paqtë të Ballkanit Perëndimor.

Çfarë përfaqëson Konkursi për Ide të Gjelbërta?

Konkursi për “Ide të Gjelbërta” bazohet në parimet e përgjegjshmërisë ndaj mjedisit, sjelljes etike, diversitetit, përfshirjes dhe fuqizimit, autonomisë me qëllim promovimin e mirëqënies së komuniteteve lokale, duke fuqizuar sipërmarrjen dhe u mundësuar njerëzve të përmbushin potencialin e tyre.

Qëllimi:

Qëllimi i konkursit “Ide të Gjelbërta” është mbështetja e nismave të biznesit, të cilat synojnë përfshirjen sociale përmes integrimit dhe punësimit, dhe zhvillimin ekonomik lokal përmes ideve miqësore ndaj mjedisit.

Kriteret që duhet të plotësojë ideja që konkuron:

  • Projekt – Ideja është ende në fazat e para të zhvillimit të saj
  • Projekt – Ideja bazohet kryesisht në përdorimin e burimeve lokale, duke përfshirë punësimin e njerëzve lokalë dhe shfrytëzimin e aftësive tradicionale
  • Projekt – Ideja ka një vizion, apo një plan veprimi për qëndrueshmërinë mjedisore
  • Projekt – Idea ka një plan për qëndrueshmëri ekonomike dhe/apo rritjen e vazhdueshme
  • Projekt – Ideja bazohet në një vlerësim të tregut lokal dhe është i vetëdijshëm për konkurrentët dhe avantazhet krahasuese
  • Projekt – Ideja mbështet rivitalizimin e ekonomive lokale të traditës dhe lidhjen midis njerëzve dhe komunitetit
  • Projekt – Ideja është inovative në krahasim me bizneset dhe projektet e tjera në komunitet
  • Subjekti në rastin kur është i regjistruar si biznes i vogël nuk duhet të kalojë kufirin e xhiros vjetore prej 2,000,000 Lekë

Kush mund të aplikojë:

Konkursi është i hapur për:

  • Individë
  • Organizatat Jo-Fitimpruëse
  • Biznesi i vogël në vend

Kushtet e financimit:

Granti do të mbështesë projekt-ide të gjelbërta për një afat kohor jo më shumë se sa një vit dhe në shumë jo më të madhe se 650.000 lekë (të reja). Inkurajohen bashkëfinancime nga burime alternative.

Dokumentat që duhen dorëzuar:

  1. Forma e Aplikimit
  2. Forma Financiare
  3. Një dokument që vërteton statusin ligjor të entitetit që aplikon (vërtetim gjykate dhe NIPT për OJF-të; vërtetim nga QKB për bizneset e vogla)
  4. Për aplikantët individë, në rast të shpalljes së idesë fituese, përpara nënshkrimit të kontratës duhet të gëzojnë statutin e organizatave jo-fitimpruëse ose biznesit të vogël në përputhje me kuadrin ligjor në vend.

Procesi i përzgjedhjes:

Procesi i përzgjedhjes do të realizohet nga një juri ekspertësh, profesionistë të fushës së ekonomisë, drejtësisë, mjedisit dhe biznesit.

Procesi i vlerësimit do të realizohet në dy faza:

  1. Faza e parë do të jetë përzgjedhja nga ana e Partnerëve Shqipëri të ideve që plotësojnë kriteret bazë të aplikimit dhe dokumentacionin përkatës
  2. Faza e dytë do të jetë përzgjedhja nga ana e jurisë e tre ideve më të mira bazuar në listën e të përzgjedhurve nga faza e parë, si pjesë e një konkurrimi të hapur publik.

Tre idetë fituese në nivel kombëtar do të bëhen automatikisht pjesë e konkurimit në nivel rajonal të organizuar nga Fondi Rockefeller Brothers, e cila do të organizohet në Shqipëri gjatë muajit korrik.

Ofrimi i asistencës për aplikuesit

Për t’i mbështetur individët dhe subjektet, të cilët do të shprehin interes për të aplikuar, Partnerët Shqipëri në bashkëpunim me Grant Thorton Albania do të organizojë trajnimin 2 ditor mbi hartimin e Planit të Biznesit dhe Marketing e Promocion.

Trajnimi mbi Hartimin e Planit të Biznesit do të organizohet në datë 19 prill 2019!

Trajnimi mbi Marketing dhe Promocion do të organizohet në datë 23 prill 2019!

Trajnimet do të organizohen në Tiranë.

Individët dhe subjektet mund të shprehin interesin për të marrë pjesë në trajnime jo më vonë se ditën e mërkurë, datë 17 prill 2019 në adresën: kkeruti@partnersalbania.org!

Informacion mbi datat dhe afatet kohore:

Për t’i orientuar subjektet, të cilët do të shprehin interes për të aplikuar, Partnerët Shqipëri do të organizojë seminare orientuese lidhur me procedurat dhe procesin e aplikimit. Seminaret orientuese do të organizohet sipas kalendarit të mëposhtëm:

Qyteti Datat Vendi i organizimit Orari
Fier 10.04.2019 Epoka e Re 12:30
Tirane 15.04.2019 Online 10.00
Pogradec 16.04.2019 Hotel Perla 13.30
Tirane 17.04.2019 Online 10.00
Tirane 18.04.2019 Online 10.00

Afati i fundit kohor për dorëzimin e aplikimeve është 5 maj 2019!

Aplikimet mund të dorëzohen elektronikisht në adresën: kkeruti@partnersalbania.org

Partnerët Shqipëri do të nxjerrë një njoftim të dytë për datën e organizimit të konkursit.

Procesi i monitorimit:

Të gjithë fituesit në nivel kombëtar dhe rajonal do të hyjnë në një marrëdhënie kontraktuale si pjesë e këtij financimi, ku do të përcaktohen qartë detyrimet në nivel raportimi sipas indikatorëve të përcaktuar në projekt-ide dhe marrëveshjen e financimit.

Formati dhe gjuha:

Paraqitja e idesë duhet të bëhet në përputhje me kriteret e vendosura në thirrje, bashkangjitur një buxheti të detajuar të kostove. Buxheti duhet të jetë në formën e një plani biznesi ku të paraqiten kostot që kërkohet të mbulohen nga Granti i Ideve të Gjelbërta dhe bashkëfinancimi nëse ka, për periudhën një vjeçare.

Gjuha për paraqitjen e projekt-idesë është në shqip.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0