Hapen regjistrimet për Shkollën Verore të Sipërmarrjes

Bashkohuni në radhët ndërkombëtare të suksesit këtë verë me këtë program të jashtëzakonshëm!

Bazuar në një program të suksesshëm për sipërmarrjen të zhvilluar për më shumë se dhjetë vjet në Shkollën e Biznesit Tuck, Kolegjin Dartmouth, në SHBA, Shkolla Verore Ndërkombëtare e Sipërmarrjes Ballkanike në Tiranë ndërthur mësimin në klasë, angazhimin e komunitetit sipërmarrës dhe projektet eksperimentale. Kursi bazohet në lexime, diskutime, ligjërata nga sipërmarrësit dhe studiuesit me eksperiencë të veçantë sipërmarrëse dhe financiare për të mbuluar aspektet e rëndësishme të formimit të shoqërisë, lidershipit dhe krijimit të vlerës.

Çfarë përfshihet:

• Një projekt sipërmarrës i zhvilluar në ekipe, i rafinuar përmes prezantimeve paraprake të ekipit dhe duke përfunduar me një prezantim final në një panel sipërmarrësish dhe investitorësh të suksesshëm
• Vizita në terren në Shqipëri dhe Kosovë në inkubatorët dhe organizatat e tjera të fokusuara në zhvillimin ekonomik nëpërmjet sipërmarrjes
• Sesionet e mentorimit me folësit e kurseve, sipërmarrësit dhe investitorët e suksesshëm

Shkolla Verore BIESS do të zhvillohet gjatë javës së 17-24 Gushtit 2017. Programi do të përqendrohet në përshtatjen e njohurive globale në rajonin e Ballkanit si dhe në veçanti në Shqipëri dhe do të përfshijë të mësuarit dhe diskutimet mbi temat e mëposhtme:

• Ambienti sipërmarrës i rajonit të Ballkanit, kuadri shoqëror dhe ekosistemi
• Bazat për zhvillimin e ideve premtuese dhe kthimin e tyre në biznese të suksesshme
• Sfidat e administrimit të biznesit
• Lidhja midis rreziqeve dhe mundësive të sipërmarrjes

Ky program edukativ dhe trajnues, do të jetë intensiv dhe do të zhvillohet në gjuhën angleze.

Aplikoni këtu për shkollën verore BIESS!

Për detaje të tjera, na kontaktoni në info@biess.org.al