Grupi Heliox në Top 5 për "People's Choice", vazhdojnë ende votimet - Business Magazine Albania

Grupi Heliox në Top 5 për “People’s Choice”, vazhdojnë ende votimet


Grupi Heliox nga Kosova është zyrtarisht në Top 5 projektet më të votuara në botë për “People’s Choice” #NASA #SpaceApps. Ju mund të vazhdoni ende votimet deri më 4 Qershor në linkun më poshtë:

https://2017.spaceappschallenge.org/vote/finalists?q=Heliox

Rreth projektit

Me zgjidhjen që ofron Heliox ju mund të menaxhoni energjinë që vjen nga panelet diellore, duke parashikuar prodhimin e energjisë. Heliox menaxhon rrjedhën e energjisë nga prodhimi në konsum. Bazuar në parashikimet e motit, Heliox parashikon se sa energji do të prodhohet në ditët e ardhshme.

Shkencëtarët nga e gjithë bota po bëjnë thirrje për një kalim nga përdorimi i karburanteve fosile në energjitë e rinovueshme. Energjia diellore është një nga burimet energjitike më efikase dhe më miqësore ndaj mjedisit. Dielli është e ardhmja e prodhimit të energjisë. Por ende ekzistojnë shumë paqartësi për mënyrën e njohjes dhe përfitimit të një sasi më të madhe të energjisë së prodhuar dhe të kuptuarit se sa energji prodhon një panel diellor.

Ekipi i Heliox përbëhet nga studentë të diplomuar në Shkencat Kompjuterike, Inxhinieri Energjetike dhe Grafik Dizajn. Atyre u pëlqen të zgjidhin probleme të ndryshme, veçanërisht nëse ata kanë potencial për ta bërë jetën më të mirë për gjeneratat e ardhshme.

Heliox ofron një qasje të re për përdorimin e energjisë nga panelet diellore dhe menaxhimin e tij. Duke përdorur të dhënat meteorologjike dhe vendndodhjen e paneleve, sistemi parashikon sasinë e energjisë që do të prodhohet ditën e nesërme.

Karakteristikat kryesore të website-it dhe aplikacionit të Heliox:

Vizualizimi: ndihmon në kuptimin e energjisë diellore duke dhënë shembuj të vërtetë dhe realë mbi potencialin e saj
Analizë: mbajtja e të dhënave për panelet diellore, gjenerimin dhe konsumin e energjisë
Mjet i planifikimit: ndihmon përdoruesit të planifikojnë përdorimin e përditshëm të pajisjeve elektrike, në mënyrë më efikase.

https://youtu.be/rq5BBTfsTl8

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0