Përhapja e virusit Zika u shpall Emergjencë e Shëndetit Publik nga Organizata Botërore e Shëndetit (WHO) në shkurt. Edhe pse virusi i cili transmetohet nëpërmjet mushkonjave nuk shkakton simptoma në pjesën më të madhe të rasteve, atij i atribuohet numri në rritje i një defekti fatal në lindje i njohur si mikrocefalia.
Tani, Google është në partneritet me UNICEF, duke dhënë fonde, mjete dhe ndihma në njerëz për të ndihmuar luftën ndaj sëmundjes.
Në një postim blogu ditën e sotme, kompania anonçon se do të dhurojë për UNICEF 1 milionë $ grante për të ndihmuar përpjekjet e tyre kundër përhapjes së këtij virusi. Google ka gjithashtu edhe inxhinierët e saj që ndihmojnë UNICEF “të analizojë të dhënat për të përcaktuar sesi të lokalizojë dhe të paraprijë virusin.” Kompania po jep një fond shtesë prej 500,000$ për UNICEF dhe Organizatën Panamerikane të Shëndetit për të mbështetur punën e punonjësve të saj në terren.
UNICEF do t’i përdorë fondet për të rritur ndërgjegjësimin, për të reduktuar popullimin e mushkonjave, për të mbrojtur zhvillimin e vaksinave, dhe për të ndihmuar në parandalimin e transmetimit të virusit. Organizata pret të ndihmojë 200 milionë njerëz të prekur ose vulnerabël për t’u prekur në Amerikën Latine.
Google përveç alokimit të fondeve, po ndihmon në rritjen e ndërgjegjësimit publik dhe të njohurive për virusin Zika në mënyrë direkte, duke përfshirë informacione shtesë rreth virusit globalisht, në 16 gjuhë. Duke kërkuar për “virusin Zika” në Google do t’ju dalë një vështrim i përgjithshëm mbi virusin, informacion mbi simptomay dhe Sinjalet e Shëndetit Publik.
Në postimin e vet, Google pretendon se përhapja e Zikës ka çuar në rritjen prej 3000% të interesit për kërkimin e tij në rang global që nga Nëntori.
/Publikuar nga Mashable.
