Gjykata e Moskës e shpalli Metën, kompaninë mëmë të Facebook, fajtore për aktivitete ekstremiste.
Deklarata e ndalon Metën të zhvillojë aktivitetin e saj si biznes në Rusi, duke sjellë një bllokim të menjëhershëm të aplikacioneve të saj në kufijtë e shtetit rus. Megjithatë, një prej aplikacioneve më të përdorura të Metës në Rusi, WhatsApp do të vazhdojë të përdoret.
Lexo edhe: Rusia hap hetim penal ndaj Metës për thirrjet për vdekje ndaj pushtuesve rus në Facebook
Shërbimet sekrete ruse (FSB) i kishin kërkuar autoritetit gjyqësor që të vendoste një ndalim “të menjëhershëm” të rrjeteve sociale amerikane Facebook dhe Instagram në Rusi.
“Aktivitetet e Metës janë kundër Rusisë dhe forcave të saj të armatosura. Prandaj, kërkojmë që Meta të ndalohet në Rusi dhe ky ndalim të fillojë zbatimin menjëherë”, tha zëdhënësi i FSB-së, Igor Kovalevski në seancën e parë të gjykimit.
Ndalimi u kërkua edhe nga prokurori i Moskës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
