Gjermania gjobit Volkswagen për skandalin e naftës
Përditësuar së fundmi: 14/06/2018

Gjermania gjobit Volkswagen për skandalin e naftës

Share
nga Neada Muçaj
Qer 14, 2018

Gjoba prej 1 miliard euro (1.2 miliardë dollarë) u njoftua nga prokurorët publikë dhe kompania, e cila e quan këtë një skandal që ka tronditur kompaninë dhe ka shkatërruar shitjet e industrisë së makinave me naftë.

“Kjo është një nga gjobat më të larta të vëna ndonjëherë në një kompani në Gjermani”, tha prokurori gjatë një deklarate.

Volkswagen tha se e pranoi ndëshkimin, i cili lidhej me mbikëqyrjen jo të përshtatshme në departamentin që zhvillon motorët dhe sistemet e transmetimit.

Volkswagen e pranoi gjobën dhe nuk do të paraqesë asnjë ankesë kundër saj. Duke vepruar kështu, kompania gjithashtu pranon përgjegjësinë e saj për krizën e naftës dhe e konsideron këtë si një hap tjetër të madh drejt tejkalimit të këtyre problemeve”.

Volkswagen pranoi në vitin 2015 se kishte manipuluar miliona motorë dizel për të mashtruar testet e rrezatimit.

Makinat me naftë nga Volkswagen dhe filiali i saj Audi mashtruan në rregullat e ajrit të pastër me softuerë, të cilët bënin që emetimet të dukeshin më pak toksike seç ishin në të vërtetë.

Skandali theu besimin midis konsumatorëve dhe rregullatorëve në teknologjinë e naftës. Penalitetet tashmë i kanë kushtuar Volkswagen mbi 30 miliardë dollarë në paralajmërime, dënime ligjore dhe marrëveshje për zgjidhjen.

Martin Winterkorn, ish-shefi ekzekutiv i Volkswagen, u padit muajin e kaluar nga prokurorët e SHBA-së. Ai u akuzua për vjedhje parash dhe komplot për të mashtruar konsumatorët amerikanë dhe për të dëmtuar Aktin e Ajrit të Pastër.

/CNN