Greqia dhe Bullgaria filluan aktivitetin tregtar të një tubacioni gazi, edhe pse me vonesë. Ai do të ndihmojë në uljen e varësisë së Europës Juglindore nga gazi rus dhe në rritjen e sigurisë së energjisë.
Tubacioni 182 kilometra i gjatë do të lehtësojë furnizimin me gaz të Bullgarinë, e cila që nga muaji prill po lufton të sigurojë furnizime me gaz me çmime të përballueshme.
Rusia ka ulur furnizimet e saj të gazit në Europë, pas sanksioneve ndaj Moskës për pushtimin e Ukrainës, duke i lënë vendet e Bashkimit Europian të përpiqen të sigurojnë furnizime alternative mes çmimeve në rritje.
Presidentja e Komisionit Europian përshëndeti nisjen e tubacionit të shtunën, për të cilin ajo tha se ishte çelësi për shkëputjen nga energjia ruse.
Tubacioni Interkonektor Greqi-Bullgari (IGB) do të transportojë 1 miliard metër kub (bcm) gaz azerbajxhanas në Bullgari.
Lexo: Turqia rregulla më të rrepta për rrjetet sociale
Tubacioni mund të sigurojë gaz jo-rus për Serbinë, Maqedoninë e Veriut, Rumaninë dhe më tej Moldavinë dhe Ukrainën.
Ai do të transportojë gaz nga qyteti verior grek i Komotinit, në Stara Zagora në Bullgari. IGB është i lidhur me një tjetër tubacion, pjesë e Korridorit Jugor të Gazit, i cili transporton gazin e Azerbajxhanit në Europë.
Tubacioni prej 240 milionë euro kontrollohet nga një sipërmarrje e përbashkët midis kompanisë shtetërore bullgare të energjisë BEH, ndërmarrjes greke të gazit DEPA dhe Edison të Italisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
