Të rikthyera në krye të listës prej disa muajsh, tekstilet dhe këpucët kanë peshën kryesore në shportën e eksporteve, dhe njëkohësisht ndër nivelet më të lartë të rritjes.
Sipas të dhënave zyrtare, eksporti “tekstile dhe këpucë” arriti në 20.5 miliardë lekë duke u rritur 13.5%. Me këtë ritëm, ato zënë rreth 43% të totalit të eksporteve.
Pas kësaj vijnë “Materialet e ndërtimit dhe metalet”, grupi i dytë i mallrave më i eksportuar me vlerë 8.7 miliardë lekë.
I ndikuar nga çmimet e favorshme në treg, ky grup shënoi rritjen më të madhe të eksporteve me 57%. Me ecuri pozitive janë edhe, “mineralet, lënda djegëse dhe energjia”.
Importet janë rritur me ritme më të ulëta. Në dy muaj importet në total shënuan rritje vjetroe 14.5%. për shkak të nivelit shumë më të lartë të importeve ndaj eskporteve, vlera e rritur është më e lartë, ndaj deficit tregtar është thelluar.
Të gjitha grupet kanë ndikuar pozitivisht në rritjen vjetore të importeve, ku grupe që kanë ndikuar më tepër në rritjen vjetore të importeve, janë: “Minerale, lëndë djegëse, energji elektrike” me +5 pikë përqindje, “Materiale ndërtimi dhe metale” me 3 pikë përqindje dhe “Makineri, pajisje, pjesë këmbimi” me 2,6 pikë përqindje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.