Kompania amerikane e teknologjisë renditet si një nga fituesit më të mëdhenj gjatë pandemisë, me njerëz në të gjithë botën që kaluan në blerjet online gjatë bllokimeve. Sidoqoftë, Amazon është përballur me kritika nga disa aktivistë të punës që pretendojnë se kompania po i vë punonjësit në rrezik duke mbajtur fabrikat e hapura.
Në një postim në blog, Amazon tha se analizat e saj tregojnë që shkalla e infektimit midis 1.4 milionë punëtorëve në Amazon dhe filialin e saj Whole Foods ishte 42% më e ulët se norma e parashikuar në popullsinë e SHBA.
Lexo: Ja cilat janë rregullat dhe protokollet që duhet të zbatojnë bizneset e hapura
Amazon, e cila ka një vlerë tregu prej 1.6 triliard dollarë dhe aksioneri më i madh i së cilës është themeluesi dhe shefi ekzekutiv i saj, Jeff Bezos, personi më i pasur në botë, tha se po investonte “qindra miliona dollarë” në testimin e vet të koronavirusit që synon të kryejë 50,000 teste në ditë deri në Nëntor.
Amazon tha se kompania u jep punonjësve të saj sigurim shëndetësor gjithëpërfshirës dhe paguan pushimet për çdo punëtor që duhet të karantinohet. Ajo ka krijuar gjithashtu regjime të reja pastrimi dhe procese të tjera për të zvogëluar përhapjen e virusit, tha kompania.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
