Panairi “Future2Tech” erdhi për herë të parë në Shqipëri këtë vjeshtë. Ai u organizua nga Iceberg Exhibitions dhe AlbaniaTech dhe mblodhi në Pallatin e Kongreseve 76 kompani dhe qindra ekspertë e sipërmarrës. Kompanitë pjesëmarrëse e cilësuan si një mundësi ideale për t’u prezantuar si ekspozues në panair. Disa prej tyre theksuan se do të rikthehen edhe në edicionet e ardhshme, pasi panë një interest të jashtëzakonshëm nga bizneset. Ato zhvilluan takime frytdhënëse.Fokusi kryesor i panairit dhe paneleve të diskutimit ishte inovacioni, teknologjia dhe edukimi. Aktiviteti ngjalli një interes të veçantë, sidomos mes kompanive të lidhura me teknologjinë. Organizatorët theksuan se, “partnerët dhe ekspozuesit tanë synojnë të prodhojnë vlerë për panairin në nivel multidimensional, jo vetëm duke prezantuar shërbimet dhe produktet e tyre inovatore, por duke organizuar forume e prezantime të rëndësishme për informimin dhe ndërgjegjësimin e komunitetit të profesionistëve e më gjerë. Kjo është edhe pjesë e misionit të AlbaniaTech për të bashkuar dhe aktivizuar të gjithë aktorët e Ekosistemit Shqiptar të Inovacionit”. Në panair morën pjesë edhe kompani që drejtojnë fushat e teknologjisë në Shqipëri dhe rajon. Eventi i hapjes u përshëndet nga ministrja e Sipërmarrjes, Delina Ibrahimaj.
Znj. Ibrahimaj theksoi se: “ Të rinjtë që takova janë sipërmarrësit e ardhshëm, forca lëvizëse pas inovacionit. Janë ata që shpesh udhëheqin përgjegjësinë në adoptimin dhe përshtatjen me fuqinë e transformimit digjital, për të formuar të ardhmen e industrive dhe për të nxitur rritjen ekonomike drejt përmirësimit të shoqërive tona. Ne do të mbështesim këtë vizion, duke u ofruar atyre mjetet, burimet dhe një klimë sa më të favorshme”. Në një intervistë për Businessmag, ministrja theksoi se, krahas punës për ngritjen e agjensisë së startup-eve, ministria do të fokusohet tek zhvillimi i një strategjie afatgjatë për ekosistemin e startup-eve”.
Artikulli u publikua më parë në faqen 44 të numrit 33 të revistës Business Magazine Albania.
Abonohu për të lexuar të plotë artikullin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
