Fondacioni Down Syndrome Albania risjell edicionin e 4-ët të fushatës ndërgjegjësuese dhe për mbledhje fondesh “Garo, Mbështet si Maratonomak” Fondacionin Down Syndrome Albania. Kjo fushatë organizohet në kuadër të Maratonës së Tiranës, që këtë vit zhvillohet me datë 20 Tetor 2024. Tetori është njëkohësisht dhe muaji i ndërgjegjësimit dhe i advokimit për sindromën Down, duke e bërë këtë fushatë të një rëndësie të veçantë.
Objektivi i fushatës
Kjo iniciativë ka si qëllim mbledhjen e fondeve për të mbështetur shërbimet terapeutike të fëmijëve me aftësi të kufizuara që frekuentojnë Qendrën e Shërbimeve PRO PAK të Fondacionit. Fëmijët me sindromën Down, autizëm, çrregullime gjuhësore dhe vonesa të tjera në zhvillim nga familje me vështirësi ekonomike përfitojnë nga këto fonde. Mbledhja e fondeve mbështetet nga dhurime të bizneseve dhe individëve, të cilët mund të dhurojnë online përmes website-it të Fondacionit.
Arritjet e mëparshme të fushatës
Edicionet e mëparshme kanë sjellë rezultate të suksesshme:
2021: 7,248 euro të mbledhura dhe 35 maratonomakë pjesëmarrës.
2022: 22,787 euro të mbledhura dhe 213 maratonomakë pjesëmarrës.
2023: 32,161 euro të mbledhura dhe 318 maratonomakë pjesëmarrës.
Si të kontribuoni
Nëse jeni biznes dhe dëshironi të sponsorizoni këtë fushatë, mund të kontaktoni në info@dsalbania.org. Sponsorizimet fillojnë nga 150 euro për bizneset e vogla dhe deri në 3000 euro për sponsorët gjeneralë. Përveç ndihmës për kauzën, bizneset do të përfitojnë vizibilitet të logos në bluza, në website dhe rrjetet sociale të Fondacionit. Individët që dëshirojnë të garojnë për këtë kauzë mund të bashkohen me ekipin #RunForDSA duke plotësuar një formular. Është e rëndësishme që regjistrimi të bëhet përmes Fondacionit, pasi kjo garanton kualifikimin për çmimin e ekipit më të madh garues. Afati i fundit për plotësimin e formularit është 3 tetor, ndërsa pagesa e regjistrimit duhet të bëhet deri më 5 tetor. Për çdo paqartësi apo informacion shtesë, garuesit do të shtohen në një grup WhatsApp për të marrë udhëzimet dhe detajet e fundit të organizimit.
Lexo edhe: Raiffeisen Bank feston 20 vite rrugëtim suksesi dhe novacioni në Shqipëri
Për çdo pyetje, apo sqarim mund të kontaktoni në numrin: 0695606269
Kjo fushatë përfaqëson një mundësi të shkëlqyer për të kontribuar në përmirësimin e jetës së fëmijëve me sindromën Down dhe të tjerëve me nevoja të veçanta, duke u bërë pjesë e një ngjarjeje të madhe sportive dhe sociale në Tiranë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English