Për përdoruesit e Android, ky mund të jetë fundi i biletave të parkimit siç i njohim ne. Të paktën, ky është premtimi që Google bën me përditësimin e tij të fundit.
Google njoftoi të enjten një sërë veçorish të reja që u shpërndanë përmes përditësimit të tij të fundit të softuerit, duke përfshirë mundësinë që përdoruesit të paguajnë për parkimin duke përdorur zërin e tyre përmes një partneriteti me ParkMobile. Qëllimi është të ndihmohen drejtuesit e mjeteve të eliminojnë pikat e pagesës kur është shumë ftohtë.
Ky partneritet është shembulli më i fundit i shtytjes së Google në transport, duke përfshirë shtimin e ecjes me biçikletë në Google Maps, zhvillimin e një çelësi digjital dhe punën me prodhuesit e automjeteve për të integruar sistemin e saj operativ Android në automjete.
Parkimi e ndihmon Google të integrohet edhe më tej në jetën e përditshme të konsumatorëve. Ky partneritet me Parkmobile ka shtrirje të kufizuar për momentin. Por nëse e kaluara lë të kuptohet se çfarë do të vijë, Google do të shtojë partnerë të tjerë.
Veçoria e parkimit me zë është aq e drejtpërdrejtë sa tingëllon. Pasi të parkoni në një vend, thoni “Hey Google, paguaj për parkimin” (Hey Google, pay for parking) dhe ndiq kërkesat e “Asistentit të Google” për të paguar nga telefoni yt. Google Pay kryen transaksionin.
“Nuk ka më monedha, jo më konfuzion,” premton Google.
Një pjesë e konfuzionit rrjedh nga labirinti i aplikacioneve të parkimit të disponueshme për t’u shkarkuar. Funksioni i pagesës për parkim e zvogëlon rrëmujën duke e paracaktuar ParkMobile, aplikacionin kryesor që koordinon zonat e parkimit në më shumë se 400 qytete të SHBA.
Lexoni: Google do të lançojë një filtër kundër komenteve abuzive online në ndihmë të gazetarëve
Përditësimi i Android do t’ju ndihmojë gjithashtu të kontrolloni se sa kohë ka mbetur në kohëmatës dhe të shtoni kohën me komandën zanore. Thjesht thuaj, “Hey Google, statusi i parkimit” ose “Hey Google, zgjat parkimin”.
Gjithashtu ka rëndësi, sepse është një mënyrë tjetër që Google po prek makinën tuaj për të gjurmuar informacionin tuaj personal, duke përfshirë vendndodhjen e automjetit tuaj. Dhe kjo është një fitore për Google në luftën e saj kundër Apple për të dhënat tuaja.
Për Apple, Google dhe Amazon, gjithashtu, aftësia për të dëgjuar makinën tuaj u jep atyre më shumë mundësi për t’ju shitur shërbimet e abonimit ose për t’ua shitur informacionin palëve të treta të etur për të përshtatur reklamat e tyre sipas zakoneve tuaja të drejtimit, vendndodhjes dhe më shumë. Më shumë të dhëna çojnë në mundësi masive për gjigantët e teknologjisë për të korrur më shumë të ardhura.
Vitin e kaluar, Google dhe ParkMobile aktivizuan një opsion për të paguar parkimin në rrugë nëpërmjet Google Maps, por aftësia për të paguar me zë është një hap përpara për përdoruesit e Android, Google dhe ParkMobile, si dhe klientët e mundshëm të palëve të treta të etur për të dhëna të synuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
