iPod-i i Apple, një pajisje inovatore që përmbysi industrinë e muzikës dhe elektronikës më shumë se dy dekada më parë, nuk ekziston më. Kompania njoftoi se do të ndërpresë prodhimin e iPod Touch, një linjë produkti që doli për herë të parë në shitje në tetor 2001. Modeli me ekran me prekje, i cili u lançua në vitin 2007, do të qëndrojë në shitje derisa të mbarojnë furnizimet.
Apple lëshoi dhjetëra versione të iPod gjatë viteve, por produkti u venit gradualisht nga pajisjet e tjera, veçanërisht iPhone. Kjo bëri që kompania të fillonte heqjen graduale të modeleve në 2014. Në atë kohë, kompania ndaloi së prodhuari iPod klasik, një version me një rrotë klikimi dhe ekran të vogël që ishte më i ngjashëm me versionin origjinal. Në vitin 2017, Apple ndaloi së prodhuari edhe paisjet më të vogla të linjës, iPod Nano dhe iPod Shuffle.
Lexo edhe: Apple fitoi miliarda duke hequr karikuesin dhe kufjet nga kutitë e iPhone
iPod Touch – i njohur si një alternativë më e lirë e iPhone – u mbajt për disa vite të tjera. Pajisja u përditësua për herë të fundit në vitin 2019 dhe kushtoi 199 dollarë. Krahasoni atë me iPhone-in më të lirë në portofolin e Apple: SE, i cili kushton 429 dollarë.
Por me kaq shumë mënyra të tjera për të marrë muzikë, Apple nuk e sheh më produktin si të nevojshëm.
“Ne kemi integruar një përvojë të jashtëzakonshme muzikore në të gjitha produktet tona, nga iPhone te Apple Watch tek HomePod mini dhe në Mac, iPad dhe Apple TV,” tha Greg Joswiak, nënkryetari i lartë i Apple për marketingun në mbarë botën.
I prezantuar nga Steve Jobs, iPod-i u vlerësua se ndihmoi për ta kthyer Apple nga një kompani pothuajse të falimentuar në një gjigant prej 3 trilionë dollarësh. iPod vendosi skenën për zhvillimin e iPhone, iPad dhe AirPods – produkte që tani përbëjnë pjesën më të madhe të të ardhurave të Apple.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English