Apple fitoi miliarda duke hequr karikuesin dhe kufjet nga kutitë e iPhone - Business Magazine Albania

Apple fitoi miliarda duke hequr karikuesin dhe kufjet nga kutitë e iPhone

karikuesin dhe kufjet

Apple thuhet se ka fituar rreth 6.5 miliardë dollarë duke mos ofruar karikues dhe kufje me iPhone-ët e saj të rinj, sipas një raporti të publikuar në Daily mail.

Në vitin 2020, Apple njoftoi se nuk do të dërgonte më koka karikuesi në kutitë e iPhone, duke përmendur ndikimin mjedisor të mbetjeve elektronike të krijuara nga këto aksesorë në kuti.

Gjiganti i teknologjisë e shiti idenë me arsyetimin se shumë blerës të smartfonëve tashmë kanë një karikues në shtëpi.

Raporti shton më tej se Apple mund të kursejë rreth 25 dollarë për çdo iPhone të dërguar pa aksesorë në paketimin e shitjes me pakicë.

Që nga zbatimi i politikës së gjigantit të teknologjisë, raportohet se ka dërguar 190 milionë iPhone, që përkthehet në një kursim neto prej rreth 6.5 miliardë dollarësh në koston e aksesorëve.

Nga ana tjetër, analistët besojnë se vendimi i Apple për të hequr karikuesit dhe kufjet do ta ndihmonte gjigantin e teknologjisë të mbulonte koston e modemëve të rinj 5G në iPhone-ët e tij, pasi ato janë mjaft të shtrenjta.

/dailymail

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0