Ford hedh në gjyq John Cena, sepse ai shiti makinën e tij të sapo blerë


Ford ka hedhur në gjyq 40 vjeçarin, sepse ai shiti makinën e tij Ford GT të sapo blerë. Ashtu siç raporton edhe TMZ, nga blerja dhe shitja e shpejtë e makinës e cila kushton mbi $450.000, John Cena ka shkelur kontratën e nënshkruar. Në të cilësohet se me blerjen e saj, makina nuk lejohet të shitet për një periudhe 2 vjeçare. Kjo për shkak të numrit të ulët të makinave të prodhuara dhe kërkesës së lartë.

Akuza thotë se John Cena mori në dorëzim makinën e tij në 23 Shtator 2017 dhe e shiti atë në 20 Tetor 2017.

I pyetur nga mediat, një zëdhëndës i Ford u shpreh se kompania nuk jep të dhëna apo komente mbi mardhëniet e saj me klientët. Çdo klient firmos një kontratë, e cila duhet respektuar me përpikmëri.

Lexoni: Lufta e “Princit të taksive” kunder depërtimit të Uber në Japoni

US District Court in Michigan është institucioni i cili do të merret me çështjen midis Ford dhe ish wresler-it John Cena. Në një komunikate, ajo shprehet se Z. Cena ka shkelur Ford GT Application Program.

Ford gjithashtu përmënd se është vënë në kontakt direkt me John Cena, ka ai kërkon ndjese për këtë çfarë ka ndodhur. Ai u shpreh se e shiti makinën sepse i duheshin para për përballuar disa shpenzime.

Nuk dihet ende ekzaktësisht, por mendohet se shuma e përfituar mbi çmimin e blerjes është rreth $75.000.

John Cena ishte një nga fatlumët e përzgjedhur për të blerë Ford-in e ri GT. Kjo, për shkak të aftësive të tij promovuese dhe statusit të tij si njeri i famshëm. Cena është i njohur si një entuziast makinash. Ai madje bën një program në YouTube të quajtur “John Cena: Auto Geek”.

Përzgjedhja e emrave, mori shumë debat në fillim të proçesit. Ai la jashtë shumë njerëz të famshëm, të cilët me të vërtetë “e dinin se çfarë po blenin”. Nga na tjetër, e drejta iu dha shumë personazheve të njohur, të cilët, gjithçka e bëjnë për famë.

Ford GT është një nga makinat më legjendare të të gjitha kohrave. Si e tillë, ndoshta meritonte pak më shume respekt!

https://youtu.be/wJhEK0E8E4Q

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale