Fiskalizimi. Si nis dhe çfarë duhet të bëjnë bizneset? Intervistë me Kristi Bojdani, BNT Electronics - Business Magazine Albania

Fiskalizimi. Si nis dhe çfarë duhet të bëjnë bizneset? Intervistë me Kristi Bojdani, BNT Electronics

Fiskalizimi

Sipërmarrjet do të nisin të përballen pak pak ditësh me një proces të ri fiskalizimi. Nisi me kompanitë që kryejnë transaksione me entet publike për të vazhduar gjatë vitit edhe me sipërmarrje të tjera. Kristi Bojdani, nga BNT Electronics thotë të kasat fiskale vazhdojnë të jenë të përdorshme.

Procesi i Fiskalizimit është i ndarë në 3 faza kryesore dhe përfshin bizneset që faturojnë sipas rregullit të mëposhtëm:

1 Janar 2021, për bizneset që faturojnë shtetin (B2G) do të fiskalizojnë faturat kundrejt enteve publike.

1 Korrik 2021, për bizneset që faturojnë biznese (B2B) do fiskalizohen dhe faturat midis bizneseve me njëra-tjetrën.

1 Shtator 2021, për biznset që faturojnë klientët(B2C) është faza e fundit që përfshin edhe bizneset që kanë fatura me klientë fundorë individë.

Si duhet të përshtaten ato për t’iu përgjigjur kësaj forme të re faturimi?

Me ligjin e ri, bizneset duhet të pajisen me një zgjidhje softëare për të kryer fiskalizimin dhe bizneset, të cilat nuk bëjnë fatura ndaj shtetit, mund të vazhdojnë të përdorin kasat që kryejnë transmetimin në kohë reale.

Zgjidhja jonë software, e quajtur Bills dhe versioni i saj fiskal eBills, i certifikuar për fiskalizim dhe për faturat elektronike, është një Softëare i krijuar me qëllimin primar që të jetë sa më i thjeshtë në përdorim për klientët dhe sa më i automatizuar për veprimet që nevojiten. Softëare-i mundet të instalohet në mjediset e klientit ose në Cloud, në varësi të nevojës.

Lexo: Tatimet: Nga 1 janari faturat e bizneseve me shtetin do jenë vetëm online

Në janar të vitit që vjen e kanë të detyrueshme Faturen Elektronike vetëm ato biznese që lëshojnë fatura ndaj Enteve Shtetërore.

Çfarë ndodh me bizneset që kanë kasa fiskale dhe mbi të gjitha me bizneset e vogla?!

Bizneset që përdorin Kasat e BNT Electronics e kanë shumë të lehtë që të nisin fiskalizimin e faturave pasi e njëjta Kasë, me një update, adaptohet për të kryer fiskalizimin në kohë reale. Pra, bizneset e vogla, të cilat deri më sot kanë përdorur kasë fiskale, mund të përdorin po të njëjtën kasë për të kryer fiskalizimin e faturave cash në të njëjtën mënyrë siç vepronin deri sot, por me ligjin e ri kuponi që deri me sot printohej nga kasa do të quhet faturë për pagesat cash dhe do të transmetohet në kohë reale te tatimet, sipas kërkesave të ligjit të fiskalizimit.

A ndikon ky proces në rritjen e kostos? Çfarë ka nevojë të përmirësohet, apo të shmanget nga aplikimi i parashikuar?

Çdo ndryshim në ligjet tatimore sjell kosto për tatimpaguesin. Kjo koste është në kuptimin e adaptimit të punës, individëve dhe proceseve të një biznesit, të cilat duhet të ndryshojnë për t’iu përshtatur kërkesave të reja të ligjit.

Për të vënë në punë strukturën e fiskalizmit të një biznesi, do i duhet përveç softit, një pajisje hardëare, ku do instalohet certifikata dixhitale nga AKSHI, internet, printer etj. pajisje të cilat mbase deri më sot, jo të gjitha bizneset e kishin të nevojshme për të kryer punën e tyre ditore.

Për të dhënë një përgjigje më të sakte, po i ndaj bizneset në 3 grupe:

Bizneset që e kanë të gjithë infrastrukturën e gatshme – Këtu futen tatimpagues të mëdhenj, që janë të pajisur me kompjutera, printera, internet, UPS, etj. të cilat kanë vetëm koston e adoptimit të stafit dhe përshtatjen e faturimit në kohë reale.

Bizneset relativisht të vogla apo edhe të mesme. Këto biznese mund të kenë në përdorim kompjuter dhe printer, por ato duhet të investojnë për t’i patur këto pajisje të sigurta dhe me kontrata mirëmbajtje në mënyrë që në rast difekti pajisjet të rregullohen sa më shpejt. Këto subjekte duhet të sigurojnë gjithashtu furnizim me energji elektrike të pa ndërprerë dhe internet të sigurt që do të çojë në një rritje eventuale të kostove.

Bizneset e vogla – Këto janë tatimpaguesit në dileme se çfarë duhet të bëjnë. Është përhapur informacion i rremë që kasat fiskale nuk do të përdoren me futjen e sistemit të ri fiskal. Ministria e Financave si edhe Drejtoresha e Tatimeve e kanë deklaruara shpesh se kasat fiskale duhet të bëjnë transmetim në kohë reale si edhe kasat fiskale ekzistuese do të vazhdojnë të punojnë nëpërmjet serverit të ndërmjetëm. Rrjedhimisht, njoftimet se kasat fiskale nuk do të përdoren me futjen e sistemit të ri fiskal, janë thjesht të pa sakta.

BNT Electronics tregton kasa fiskale që bëjnë transmetimin në kohë reale, sipas protokollit të DPT dhe AKSHI si dhe po realizon përshtatjen e kasave fiskale ekzistuese nëpërmjet serverit të ndërmjetëm që është i parashikuar dhe në ligj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0