Festivali i Inovacionit, përgatit kompanitë shqiptare si të tërheqin investitorë potencialë

Festivali i Inovacionit, përgatit kompanitë shqiptare si të tërheqin investitorë potencialë


Festivali i Inovacionit po afron, ndaj puna ka nisur më herët për trajnimin e kompanive dhe startup-eve pjesëmarrëse. Në ambientet e Dhomës së Tregtisë u zhvillua trajnimi “Pitching Made Easy”, drejtuar nga Erkens Gjini, themelues i InoSpace Tirana një platformë online për sipërmarrësit që duan të zhvillojnë idenë e tyre të biznesit.

Në trajnim u njohëm me disa nga kompanitë që i janë bashkuar festivalit dhe njihen si kompanitë më inovative të vendit tonë si Easy Pay, Pana – Storytelling Furniture, Gati.al, KreatX, etj,.

Pitching, të dish të flasësh e të prezantosh idenë tënde, me të gjitha parametrat e saj, brenda një minutazhi të caktuar. Një histori që përcillet me një grafikë të lartë, pa shumë fjalë dhe emocione për biznesin tënd, dhe pa harruar numrat financiarë që  ndikojnë në tërheqjen e investitorëve.

A janë të aftë kompanitë dhe startup-et shqiptare të zhvillojnë një pitching të pëlqyeshëm?! Sipas Z.Gjini, para tre viteve kjo ishte diçka e pa dëgjuar ndonjëherë, ndërsa sot është rritur mjaftueshëm niveli i prezantimeve. Sot kompanitë bëhen pjesë e trajnimeve duke përfaqësuar veten e tyre.

“Mjafton 1 orë punë për të arritur rafinimin e çdo detaji që nevojitet për një pitching të suksesshëm,” thotë ai. “Duhet praktikuar dhe i duhet dhënë rëndësia e nevojshme, që çdo kompani të sigurojë mundësi fantastike shitjeje.”

Prej gjashtë vitesh e pranishme në tregun shqiptar, së fundmi një nga bizneset fituese në konkursin Biznese të Gjelbërta, Pana – Storytelling është një nga kompanitë që ka zgjedhur t’i bashkohet Festivalit të Inovacionit.

“Evente të tilla i ndihmojnë kompanitë për vizibilitet dhe njohjen me investitorë të mundshëm, për të cilën dhe ne kemi interes,” shprehet Pezana Rexha, themeluese dhe CEO e Pana.

Çdo pjesëmarrje është një marketing i mirë për bizneset, por synimi i Panës është të mos mbetet me kaq. “Kohën dhe mundin e shpenzuar, kërkoj që ta kthej në një feedback më të madh sesa thjesht dukje”, vazhdon ajo.

Përsa i përket Festivalit të Inovacionit, Pana vlerëson mundësitë e bashkëpunimit B2B dhe mundësinë për të zhvilluar më tej gamën e produkteve me investitorë të interesuar.

Lexo: Shtator, Festivali i Inovacionit në Tiranë. I pari i këtij lloji në rajonin e Ballkanit

Platforma Gati.al edhe pse në hapat e saj të parë, guxon të provojë dhe të bëhet pjesë e një eventi të rëndësishëm si Festivali i Inovacionit. Mundësi promovimi dhe kontakte me investitorë të ndryshëm janë jo vetëm kryefjala, por magneti që ka tërhequr të gjitha bizneset inovatore në vendin tonë.

“Festivali i Inovacionit, besoj se do të na ndihmojë për një network dhe audiencë më të madhe për aplikacionin,” thotë Julian Demeti, themelues dhe CEO i Gati.al dhe njëkohësisht fitues i çmimit ICT Mobility of The Year 2018. “Gjithashtu jemi të hapur për investitorë apo dhe bashkëpunëtorë që mund të na bashkohen gjatë rrugës.”

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0