Facebook u tregon përdoruesve mediat e kontrolluara nga shteti

Facebook

Facebook njoftoi se ka nisur t’i etiketojë mediat e kontrolluara nga shteti, të tilla si Sputnik i Rusisë dhe Xinhua e Kinës, në mënyrë që njerëzit ta dinë se përmbajtja që lexojnë, vjen nga një entitet që mund të jetë nën ndikimin e një shteti.

Tek etiketimi i Sputnikut shkruan: “Ky botues është pjesërisht ose tërësisht nën kontrollin editorial të një shteti”.

I njëjti mesazh shfaqet edhe tek website-i kinez i lajmeve, Xinhua.

Nathaniel Gleicher, kreu i politikave të sigurisë në Facebook, i tha CNN Business gjatë një inteviste se kompania po merr këto masa, në mënyrë që përdoruesit të dinë më shumë se nga vijnë informacionet që u përcillen.

“Shqetësimi ynë është që media shtetërore ndërthur përcaktimin e axhendës së mediave me mbështetjen strategjike të shtetit,” tha Gleicher. “Nëse po lexoni lajme mbi një protestë, është me të vërtetë e rëndësishme ta dini se kush po e shkruan atë lajm dhe çfarë motivimi kanë ata. Qëllimi i kësaj është të sigurohet që publiku të shohë dhe të kuptojë se kush qëndron pas lajmeve.”

Gleicher tha që Facebook u konsultua me 65 ekspertë për të krijuar kriteret e veta, për të përcaktuar se cilat media do të etiketohen si të kontrolluara nga shteti. Këto kritere përfshijnë nga vjen financimi, transparenca editoriale, struktura e pronësisë dhe qeverisja, mekanizmat e përgjegjësisë së brendshme dhe konfirmimi i pavarësisë së palëve të treta. Ekziston mundësia që një njësi mediatike mund të financohet nga shteti, por konsiderohet e pavarur. Gleicher paralajmëroi se lista është “dinamike” dhe do të ndryshojë me kalimin e kohës. Subjektet gjithashtu mund të apelojnë etiketimin e tyre.

Lexoni: Mark Zuckerberg bëhet njeriu i tretë më i pasur në botë

Në vitin 2018, YouTube filloi etiketimin e videove, që vinin nga media të financuara nga shteti.

Tëitter nuk etiketon media të kontrolluara nga shteti, por në gusht 2019, ndaloi reklamat nga subjektet e mediave të kontrolluara nga shteti.

Një zëdhënës i Rusia Today dënoi masën si “një shembull kryesor i lajmeve të rreme”.

Në një email për CNN Business, zëdhënësi tha se Facebook po përpiqet t’i tregojë “tërë pjesën tjetër të botës se çfarë mund dhe nuk mund të thotë”, duke e krahasuar atë me “përkufizimin e një diktature teknologjike dhe censurimi”.

Duke iu përgjigjur politikës së re të Facebook-ut, Geng Shuang, një zëdhënës i Ministrisë së Jashtme të Kinës, u bëri thirrje kompanive të mediave sociale të “heqin dorë nga paragjykimet ideologjike”. Të gjitha organizatat e mediave duhet të “trajtohen në mënyrë të barabartë” për sa kohë që ato respektojnë ligjet dhe rregulloret, shtoi ai.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale