Fjalët e Mark Zuckerberg se Facebook nuk është vetëm një rrjet social, por një botë e tërë virtuale duke se do vihet në zbatim së shpejti nga kompania.
Vizioni i Zuckerberg për ta bërë Facebook një vend ku njerëzit mund të jenë brenda saj dhe jo thjesht të ndërveprojnë me të është më afër se kurrë pas njoftimit se kompania po planifikon të punësojë 10 mijë njerëz në Bashkimin Europian brenda pesë viteve të ardhshme, me qëllim krjimin e “metaverse”, një botë në internet, ku përdoruesit do të bashkëjetojnë dhe komunikojnë në hapësirat virtuale.
Lexo edhe: Facebook sjell ndryshime të reja. Synimi kryesor “unifikimi” i produkteve.
Nënkryetarët Nick Clegg dhe Xavier Olivan thanë se Facebook është në fillim të një udhëtimi për të ndërtuar platformën e ardhshme informatike.
“Duke punuar me të tjerët, ne zhvillojmë atë që shpesh quhet metaverse, një fazë e re e përvojave virtuale të ndërlidhura, duke përdorur teknologji të tilla si realiteti virtual dhe i shtuar. Fokusi është në idenë se duke krijuar një ndjenjë më të madhe të “pranisë virtuale”, ndërveprimi në internet do të jetë shumë më afër përjetimit të ndërveprimit personal”, thanë ata.
Në Shtator, Facebook njoftoi se fillimisht do të investonte 50 milionë dollarë për të ndërtuar metaverse, një veprim që Mark Zuckerberg e përshkroi si të rëndësishëm për të ardhmen e kompanisë. Facebook tashmë ka filluar testimin e një aplikacioni të ri që lejon përdoruesit e pajisjes Oculus Quest 2 të bëjnë takime virtuale përmes personaliteteve të tyre dixhitale (avatarëve).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
