Facebook sjell ndryshime të reja. Synimi kryesor “unifikimi” i produkteve. - Business Magazine Albania

Facebook sjell ndryshime të reja. Synimi kryesor “unifikimi” i produkteve.

Facebook

Facebook është duke bërë disa ndryshime në mënyrën se si operon, për të qenë më konkurrues me produktet e saj në botën digjitale.

Përditësimi më i përfolur që kompania ka nxjerrë është veçoria e re e group-chat, që mund të përdoret ndërmjet llogarive në Instagram dhe Facebook. Vitin e shkuar, kompania njoftoi se do të bëjë bashkë sistemin e komunikimit të Messenger me Instagram, por tani përdoruesit do të kenë mundësi të bëhen pjesë e chat-eve në grup mes kontakteve të secilës platformë.

Një tjetër karakteristikë e shtuar do të jetë mundësia për të parë përmbajtje të krijuar në Reels video apo IGTV, të cilat mund të shihen në të njëjtën kohë nga pjesëmarrësit në chat, me anë të opsionit Watch Together.

Të tjera përditësime do të përfshijnë tema të reja shumëngjyrëshe, ikona dhe emoji të rinj.

Duke qenë se kompania zotëron të treja platformat më të përdorura të rrjeteve sociale, bashkë me Instagram dhe WhatsApp, synimi i saj kryesor ka qenë t’i bashkojë ato prej kohësh duke lejuar përdoruesit të bashkëbisedojnë njëkohësisht.

Gjigandi i rrjeteve sociale ka raportuar se do të hedhë në treg edhe formatin e video-ve të shkurtra të stilit të TikTok.

Kompania konfirmoi se do të krijonte një seksion për videot e shkurtra, i cili do të paraqitet në faqen kryesore të përdoruesve të Facebook. Ky hap i ri vjen në një kohë kur TikTok është ndaluar në shumë shtete si India, ku përdoruesit e Facebook u rritën me 25%.

Me anë të veçorisë së ‘monetizimit’, krijuesit e përmbajtjes për rrjete sociale tashmë kanë më tepër mundësi dhe platforma për ta kthyer shërbimin e tyre në të ardhura.

Ky bashkim i Instagram dhe Facebook është një lajm i mirë edhe për bizneset e vogla dhe firmat, të cilat e kanë ndërtuar historikun e tyre digjital në njërin prej këtyre rrjeteve. Tani, ata do të kenë mundësi të marrin dhe dërgojnë mesazhe drejt klientëve të tyre nga secila platformë, që tashmë do të vendosen në një chat të vetëm.

Facebook nuk është duke kaluar një moment të mirë teksa përballet me disa akuza, duke filluar nga raporti i fundit i një ish-punonjëse që tregonte se kompania nuk ka bërë asgjë për të ndaluar përmbajtjet negative në platformë, deri tek akuza për monopolizim tregu.

Autoriteti i Tregut të Lirë i ka kërkuar shpesh Facebook që duhet të ndahet, sepse platforma e saj është shumë e madhe dhe bllokon konkurentët e rinj në treg.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0