Facebook në shënjestër të Komisionit Federal të Tregtisë të SHBA-së, akuzohet për konkurrencë të pandershme

Komisioni Federal i Tregtisë i SHBA-së dhe një koalicion prej 48 shtetesh amerikane të udhëhequr nga prokurorja e Nju Jorkut, Letitia James kanë nisur dy procese gjyqësore antitrust kundër Facebook, me argumentimin se korporata e mediave sociale Facebook kishte dëmtuar zgjedhjen e konsumatorit dhe privatësinë e të dhënave të përdoruesit me praktikat e veta të padrejta të biznesit. Në qendër të konfliktit janë pyetjet lidhur me motivet e gjigandit të teknologjisë për të blerë platformën e postimit të fotografive Instagram më 2012 dhe aplikacionin e mesazheve WhatsApp më 2014.

FTC argumenton se Facebook bleu dy aplikacionet në një përpjekje për të ruajtur dominimin e vet në treg. Për këtë arsye, kompania duhet të shpërbëhet. Humbja e Instagram dhe WhatsApp do të ngrinte pyetje serioze në lidhje me qëndrueshmërinë afatgjatë të Facebook. Aplikacionet popullore kishin për qëllim të luanin një rol të rëndësishëm në të ardhmen e Facebook-ut, përdorimi i të cilave është rritur në vitet e fundit.

Facebook mund ta gjejë veten të shpërbërë ashtu si kompania amerikane e telekomunikacionit AT&T ishte në fillim të viteve 1980, tha në një deklaratë Prokurori i Përgjithshëm i Karolinës së Veriut Josh Stein, një nga përfaqësuesit ligjorë të përfshirë në hetim. E themeluar në fund të shekullit të 19-të, AT&T (Kompania Amerikane e Telefonit dhe Telegrafit) lulëzoi gjatë shekullit të 20-të në një rrjet të kompanive për mundësimin e komunikimit të shpërndara nëpër Amerikën e Veriut. Me të u krijua një monopol telekomunikacioni i njohur si Sistemi Bell, duke mbajtur emrin e themeluesit të kompanisë, njeriu i lidhur me shpikjen e telefonit, Alexander Graham Bell.

LEXO: Facebook me probleme ligjore, i detyroi punonjësit të kthehen në zyrë gjatë pandemisë

Rregullatorët e antitrustit vazhdimisht ndoqën kompaninë për abuzimin e statusit të saj të monopolit. Më në fund, në 1982, duke u përballur me mundësinë e humbjes përfundimisht në gjykatë, AT&T ra dakord të ndahej në shtatë kompani më të vogla, shumë prej të cilave operojnë edhe sot.

Microsoft pati gati një fat të ngjashëm në vitet 1990 kur një gjykatë urdhëroi kompaninë e teknologjisë që të ndajë njësitë e saj të programeve dhe sistemeve operative në dy njësi. Firma i shmangej këtij fati me një zgjidhje financiare, por asnjëherë nuk u rikuperua si duhet nga kjo pengesë.

Rekomandimi pason një hetim 16-mujor të kongresit ndaj Google, Amazon, Facebook dhe Apple. “Këto firma kanë shumë fuqi dhe kjo fuqi duhet të frenohet,” shkruajnë ligjvënësit demokratë që punojnë në hetim.

”Instagram dhe WhatsApp janë bërë produktet mahnitëse që janë sepse Facebook ka investuar miliarda dollarë, ekspertizë dhe vite inovacioni për të zhvilluar tipare të reja dhe përvoja më të mira për miliona njerëz që i duan këto produkte. Fakti më i dukshëm që Komisioni nuk arrin të përmendë në ankesën e tij prej 53 faqesh është se ai autorizoi këto blerje vite më parë. Kjo është histori rishikuar. Ligjet e antitrustit ekzistojnë për të mbrojtur konsumatorët dhe për të promovuar inovacionin për të mos ndëshkuar kompanitë e suksesshme”, është komenti i Facebook.

The New York Times

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale