Në fillim të vitit Facebook vendosi të mos lejonte reklamimin e kriptomonedhave në platformë sepse, sipas rrjetit social, përmbanin praktika mashtrimi dhe manipulimi të përdoruesve.
Megjithatë, rrjeti social nuk është edhe aq kundër idesë së një monedhe dixhitale dhe thuhet se është duke zhvilluar një për vete.
Sipas Bloomberg, gjigandi i teknologjisë po zhvillon “stablecoin” me të cilën përdoruesit mund të transferojnë para duke përdorur WhatsApp.
Stablecoin do të lidhet me dollarin amerikan dhe duhet të jetë më stabël dhe rezistent ndaj luhatjes së vlerës krahasuar me bitcoin.
Bloomberg thotë se Facebook do ta testojë monedhën në Indi ku WhatsApp ka 200 milionë përdorues.
Një lëvizje e tillë pritej prej kohësh sepse rrjeti social në Maj krijoi një grup për të studiuar blockchain nën drejtimin e ish presidentit të PayPal. Megjithatë, do të na duhet të presim pak kohë përpara se të kemi diçka konkrete në këtë drejtim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
