Meta Platforms Inc. ka kërcënuar të tërheqë Facebook dhe Instagram nga Evropa nëse nuk është në gjendje të vazhdojë transferimin e të dhënave të përdoruesve në SHBA. Rregullatorët evropianë po ripunojnë aktualisht rregulloren se si të dhënat evropiane transferohen përtej Atlantikut, pasi marrëveshja e mëparshme e Mburojës së Privatësisë me SHBA-në u shpall e pavlefshme nga Gjykata Evropiane e Drejtësisë në korrik 2020.
Facebook Inc. po shtrëngon rregullat e saj për përmbajtjen në lidhje me zgjedhjet presidenciale në SHBA muajin e ardhshëm, duke përfshirë vendosjen e një ndalimi të përkohshëm të reklamave politike kur të përfundojë votimi, ndërsa përgatitet për një natë të diskutueshme që mund të mos përfundojë me një fitues përfundimtar.
Lexo edhe: Bien aksionet e Facebook me 22%, pasi numri i përdoruesve pëson rënie për herë të parë
Ndërsa nuk ka gjasa që Meta të tërheqë produktet e saj kryesore nga një prej tregjeve më fitimprurëse, përgjigja e saj nxjerr në pah tensionin në rritje midis kompanisë së mediave sociale dhe ligjvënësve mbi pronësinë e të dhënave të përdoruesve.
Komisioni Evropian tha se negociatat me Uashingtonin janë intensifikuar, por ato “kërkojnë kohë duke pasur parasysh gjithashtu kompleksitetin e çështjeve të diskutuara dhe nevojën për të vendosur një ekuilibër midis privatësisë dhe sigurisë kombëtare”, shkroi një zëdhënës i Komisionit në një deklaratë për Bloomberg të hënën.
“Vetëm një marrëveshje që është plotësisht në përputhje me kërkesat e vendosura nga gjykata e BE-së mund të sigurojë stabilitetin dhe sigurinë ligjore që presin palët e interesuara në të dy anët e Atlantikut,” shtoi zëdhënësi.
Në gusht 2020, agjencia irlandeze e mbrojtjes vendosi që përdorimi i klauzolave standarde kontraktuale nga një kompani për të përpunuar të dhënat evropiane shkelte GDPR dhe duhet të pezullohej. Vendimi përfundimtar duhet të merret në gjysmën e parë të këtij viti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
