Facebook pranon se mbledh vazhdimisht informacione për vendndodhjen e secilit prej përdoruesve të tij, për arsye sigurie dhe për qëllime reklamimi, pavarësisht nëse përdoruesit e kanë aktivizuar apo jo gjeolokalizuesin.
Në mes të këtij muaji, në një letër dërguar dy senatorëve amerikanë, kompania pranon se, “Edhe nëse dikush nuk aktivizon të dhënat e vendndodhjes, Facebook ende mund të përcaktojë pjesërisht vendndodhjen e tyre, falë informacionit që ata japin përmes aktiviteteve dhe lidhjeve të tyre në shërbimet tona të ndryshme”.
Kur njerëzit çaktivizojnë gjeolokalizuesin, platforma ruan akoma të dhëna, por janë veçanërisht adresat IP (sistemi i identifikimit të një lidhjeje në internet), ato që tradhtojnë përdoruesit e shqetësuar për ruajtjen e sekretit.
Por, Facebook thekson se në këtë rast, ndalet në nivelin e qytetit ose kodit postar, pa u përpjekur të shkojë më tej, përveçse për arsye sigurie.
Grupi kalifornian mbledh të dhëna personale të të gjitha llojeve, nga afërsisht 2,2 miliardë përdorues të tij të përditshëm, të cilët përdorin të paktën një prej platformave të tij (Instagram, Messenger, WhatsApp, Facebook).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
