50 inxhinierë dhe ekspertë të informatikës po punojnë nën drejtimin e David Marcus, ish president i PayPal, në një zyrë të izoluar, me një identifikimi të posaçëm, në mënyrë që asnjë punonjës tjetër të mund të ndërhyjë. Skuadra është e angazhuar t’i dalë në krye projektit që mund të jetë baza e një Facebooku të ri. Një kriptovalutë që do t’i lejojë përdoruesit e What’s up –që kontrollohet nga Facebook, dhe e destinuar të integrohet në platformën e vetme të programuar nga Mark Zuckerberg – të shkëmbejë para në kohë reale me miq e familjarë ashtu siç dërgohet një mesazh.
Jp Morgan ka bërë të ditur rreth dy javë më parë, se po punon për të kaluar pagesat mes klientëve në blockchain. Kjo është banka e parë e Wall Street që thyen akullin për një botë që shihet me mosbesim nga institucionet e mëdha financare. Flitet për shifrat e mëdha. Vetëm Jp Morgan qarkullon çdo ditë 6 trilionë dollarë.
Të dy kompanitë e mëdha mund t’ia dalin pikërisht në atë pikë, ku startup-et e bitcoin kanë dështuar deri më tani: ta kthejë mainstream mjedisin alternativ të kriptovalutave. E provojnë me të njëjtin instrument, stablecoin, valuta dixhitale të lidhura me një objekt fizik që siguron stabilitet.
Nëse monedha e JP Morgan do të jetë e barabartë në vlerë me dollarin, FaceCoin, në New York Times, do të lidhet me një grup valutash. “Eksperimenti i monedhave të qëndrueshme ofron mundësinë të tejkalojë vështirësitë e përshtatjes së kriptovalutave. Duke eliminuar luhatshmërinë e madhe të këtyre instrumentave, zgjerohet mundësia e përdorimit publik pasi shfrytëzohen kushtet e transparencës dhe programimit, duke zbuluar në fund të fundit vlerën e vërtetë të mungesës së ndërmjetësimit”, thotë Francesco Bruschi, profesor i informatikës në Milano.
«Stablecoin tregon se blockchain do të mundësojë qarkullimin efektiv të parasë në internet. Në këtë mënyrë, lind një nxitje për të shfrytëzuar mundësinë e një teknologjie që ofron shumë liri”, thotë Christian Miccoli, Ceo i Conio, një startup aktiv në kriptovalutë.
Në fakt, kriptovaluta që sfidon luhatshmërinë e lartë të bitcoin, funksionon si një lloj fature. Ka tashmë monedha si Tether, e garantuar teorikisht nga rezerva ekuivalente me dollarin, por me diskutime për dyshimet e mashtrimit. Sigurisht Jp Morgan apo Facebook kanë një tjetër nivel besueshmërie, por edhe në këtë rast, flitet për prerje “private”, që shkojnë sërish rreth një lojtari qëndror, duke hedhur poshte parimin bazë të bitcoin, atë të decentralizimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
