Pasi e shpallën si një nga 7 monumentet e kulturës më të rrezikuara në Europë, një ekip arkitektësh dhe inxhinierësh nga Europa Nostra ka mbërritur në Shqipëri për të inspektuar Urën e Zogut në Milot, e cila ka pësuar shembje të mëdha prej 3 vitesh.
Së bashku, me arkitektë dhe inxhinierë shqiptarë, ata janë duke pare situatën, mundësitë e përforcimit të saj dhe kryerjen e një analize të thellë për projektin e restaurimit.
Pas verifikimit të situatës, grupi i përfaqësuesve të Europa Nostra do të zhvillojë edhe takime me përfaqësues të Ministrisë së Kulturës për të vijueshmërinë e restaurimit të këtij monumenti kulture.
Një nga këmbët e urës ka humbur në shtratin e lumit Mat më shumë se 2 metër, duke rrezikuar edhe shembjen e saj. Prej 2 vitesh ka një apel të shtuar për mbrojtjen e saj, por deri më tani nuk ka patur asnjë masë të ndërmarrë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
